નવાયાર્ડ ડી કેબીન પાસે ગરીબ નવાજ પાર્કમાં રહેતા સલમાન ઔકાત હુસેન શેખ નજીકમાં આવેલી મસ્જિદે આઈશા મસ્જિદમાં નોકરી કરે છે. ફતેગંજ પોલીસ સ્ટેશનમાં તેમણે ફરિયાદ નોંધાવી જણાવ્યું છે કે, ગઈકાલે રાત્રે 8:00 વાગે હું મારા ઘરેથી નીકળીને મસ્જિદ જતો હતો. તે દરમિયાન અમારા ઘરની આગળની ગલીમાં રહેતો સાહિલ પઠાણ અને આકિબ પઠાણ મને ગાળો બોલી ગેરવર્તન કરવા લાગ્યા હતા. તેઓએ ધમકી આપી હતી કે તને મારી મારીને ભગાડી દઈશ. આજુબાજુના લોકોએ આવીને અમને છુટા પાડ્યા હતા. પછી મારા ભાણેજને ફોન કરીને મને જણાવ્યું હતું કે હું અને અજીમ તથા ઈબ્રાહીમ બાઇક લઈને જતા હતા તે દરમિયાન સાહિલ અને આકીબ અમને રોકી ઝઘડો કરી માર માર્યો છે, મેં પોલીસમાં ફોન કરતા આરોપીઓ ભાગી ગયા હતા.
