Vadodara Corporation : વડોદરા મ્યુનિસિપલ કોર્પોરેશને શહેરના નિઝામપુરા અને સુભાનપુરા ખાતે લાઇબ્રેરી બનાવી છે. આ લાઇબ્રેરીનો લોકો હવે ઉપયોગ શરૂ કરી શકે તે માટે કોર્પોરેશનને કામગીરી હાથ ધરી છે.
આ અંગે સ્ટેન્ડિંગ સમિતિમાં લાઇબ્રેરી માટે નીતિ નિયમો અને મેમ્બરશીપ મેળવવા સહિતના ધારા ધોરણો નક્કી કરવા સંદર્ભે એક દરખાસ્ત રજૂ કરી છે. કોર્પોરેશનમાં અગાઉ લાઇબ્રેરી માટે છ સભ્યોની એક સમિતિની રચના કરવામાં આવી હતી. આ સમિતિએ લાઇબ્રેરીના સંચાલન માટે નીતિ નિયમો, મેમ્બરશીપ મેળવવા માટેની ફી તથા લાઇબ્રેરીના સંચાલન માટે જરૂરી સ્ટાફની ચર્ચા કરી હતી. નિયમો અને ફી વગેરે નક્કી કરીને મંજૂરી માટે સ્ટેન્ડિંગ સમિતિમાં મંજૂરી માટે મુકાયા છે. સ્ટેન્ડિંગ સમિતિ આમાં કોઈ સુધારા વધારા પણ સૂચવી શકે તેવી શક્યતા છે. લાઇબ્રેરી સંચાલન માટે બંને સ્થળે એક એક લાઇબ્રેરીયન, આસિસ્ટન્ટ લાઇબ્રેરીયન ,ક્લાર્ક વગેરે મળીને 12 જણાનો સ્ટાફ લેવાનો થશે. વડોદરા કોર્પોરેશન દ્વારા ગોત્રી અને હરણીમાં નવી લાઇબ્રેરી બનાવવા ઉપરાંત માંજલપુરમાં ડીસ્ટ્રીકટ લાઇબ્રેરી બનાવવાનું પણ આયોજન વિચારવામાં આવ્યું છે.
