Vadodara Corporation : વડોદરા કોર્પોરેશન દ્વારા શહેરના ભાયલી અને સમા વિસ્તા૨માં બે નવીન આ૨.આ૨.આ૨.( રીડ્યુસ, રીયૂઝ, રિસાયકલ) સેન્ટ૨ કાર્ય૨ત ક૨વામાં આવ્યા છે. પાલિકા દ્વારા પ્રતાપનગર ખાતે આ૨.આ૨.આ૨. સેન્ટર તેમજ ચાર મોબાઈલ વાન પણ કાર્ય૨ત છે. જે શહે૨માં રોજ રોજ રહેણાંક વિસ્તારમાં ફરીને શહેરીજનોને પોતાના ઉપયોગમાં ન આવતી વસ્તુઓ જેવી કે કપડાં, પુસ્તકો, ૨મકડાં, પ્લાસ્ટિક સામાન, ઇલેક્ટ્રોનિક ઉપક૨ણો તથા ઘરગથ્થુ વસ્તુઓ મેળવીને જમા કરે છે. આ વસ્તુઓને જરૂરી શોર્ટિંગ કર્યા બાદ ફરી ઉપયોગ માટે તૈયાર ક૨વામાં આવે છે, અથવા જરૂરિયાતમંદ નાગરિકોને પુરી પાડવામાં આવે છે.
શહે૨માં પર્યાવ૨ણ સંરક્ષણ અને કચરા વ્યવસ્થાપનમાં આ પગલું મહત્વપૂર્ણ પગલું સાબિત થશે તેમ કોર્પોરેશનનું કહેવું છે. આના પરિણામે લેન્ડફિલ સાઈટ ૫૨ જતો કચરો ઘટાડવામાં મદદ મળશે તેમજ સર્ક્યુલર ઇકોનોમીના ધોરણને મજબૂત કરી શકાશે. પાલિકા દ્વારા આગામી સમયમાં શહેરના અન્ય વિસ્તારોમાં પણ આવા આ૨.આ૨.આ૨. સેન્ટરો સ્થાપિત ક૨વાની યોજના છે. લોકોના સહકારથી વડોદરાને “ઝીરો વેસ્ટ સીટી” બનાવવાની દિશામાં આગળ વધી શકાશે. સ્વચ્છ ભા૨ત મિશન (અર્બન) હેઠળ લોકોની સક્રિય ભાગીદારી દ્વારા પર્યાવ૨ણના જતન માટે આ૨.આ૨.આ૨. સેન્ટર “વેસ્ટ ટુ બેસ્ટ” તથા “વેસ્ટ ટુ વેલ્થ”ને વાસ્તવિક બનાવવા સક્ષમ કરશે.
