અમદાવાદ, મંગળવાર
હોળી સમયે રામોલમાં ધંધાની હરિફાઇમાં વસ્ત્રાલમાં આરટીઓ રોડ ઉપર ધાક જંમાવવા ંમાટે ખુલ્લી તલવારો તથા દંડા, પાઇપ જેવા ઘાતક હથિયારો સાથે અસામાજિક તત્વો ધસી આવ્યા હતા અને જેમાં અમરાઇવાડી ખોખરા સહિતના વિસ્તારના લૂખ્ખા તત્વોએ રોડ ઉપરથી પસાર થતા મહિલાઓ સહિત રાહદારીઓ અને વાહન ચાલકોને રોકીને તેમના ઉપર તલવાર, પાઇપ જેવા ઘાતક હથિયારો ધારણ કરીને લોકો ઉપર જાહેરમાં હુમલા કરીને આતંક મચાવ્યો હતો આ કેસમાં ત્રણ મહિનાથી નાસતા ફરતા ગેંગના મુખ્ય ત્રણ આરોપીને ક્રાઇમ બ્રાંચે પકડી પાડયા હતા.
પોલીસથી બચવા જુદા જુદા રાજ્યમાં ૧૫ દિવસમાં જગ્યા બદલી કાઢતા રામોલ પોલીસે અગાઉ બીજા આરોપીઓને પકડી તેમના મકાન ઉપર બુલડોઝર ફેરવ્યા હતા
રામોલ વિસ્તારમાં ત્રણ મહિના પહેલા વસ્ત્રાલમાં આરટીઓ રોડ ઉપર ધાક જમાવવા ંમાટે અસામાજિક તત્વોએ હુમલા કર્યા હતા અને અનેક લોકો ઉપર તલવાર પાઇપથી હુમલા કરીને ગંભીર રીતે ઘાયલ કર્યા હતા. આ બનાવનો વિડિયો વાયરલ થતાં અમદાવાદ શહેરના પૂર્વ વિસ્તારના તમામ પોલીસ સ્ટેશનની પોલીસ હરકતમાં આવી હતી જેમા અગાઉ આરોપીઓને પકડીને દોરડા બાંધીને તેમનોે વરઘોડો કાઢયો હતો અને તેમના મકાનનો તોડી પાડયા હતા.
આ કેસમાં નાસતા ફરતા ત્રણ આરોપીને ત્રણ મહિને પકડી પાડયા હતા જેમાં વસ્ત્રાલમાં રહેતા પંકજ ભાવસાર અને અશ્વિન નાડિયા તથા આશુતોષ પિલ્લેનો સમાવેશ થાય છે.
ઉલલેખનીય છે કે આરોપીઓ ખુલ્લી તલવારો તથા દંડા, પાઇપ જેવા ઘાતક હથિયારો સાથે અસામાજિક તત્વો ધસી આવ્યા હતા અને જેમાં અમરાઇવાડી ખોખરા સહિતના વિસ્તારના લૂખ્ખા તત્વોએ રોડ ઉપરથી પસાર થતા મહિલાઓ સહિત રાહદારીઓ અને વાહન ચાલકોને રોકીને તેમના ઉપર તલવાર, પાઇપ જેવા ઘાતક હથિયારો ધારણ કરીને લોકો ઉપર જાહેરમાં હુમલા કરીને આતંક મચાવ્યો હતો આ કેસમાં ત્રણ મહિનાથી નાસતા ફરતા ગેંગના મુખ્ય ત્રણ આરોપીને ક્રાઇમ બ્રાંચે પકડી પાડીને વધુ તપાસ હાથ ધરી છે
