Silver and Gold Price : ભારતીય કોમોડિટી માર્કેટમાં આજે સોના અને ચાંદીના ભાવમાં ભારે ઉથલપાથલ સાથે જોરદાર તેજી જોવા મળી છે. બજાર શરુ થતાંની સાથે જ કિંમતી ધાતુઓના ભાવમાં મોટો ઉછાળો આવતા રોકાણકારોમાં ભારે હલચલ મચી ગઈ છે.
સોનામાં પણ જબરદસ્ત તેજી
સોનાના ભાવમાં આજે ₹1,633નો જંગી વધારો નોંધાયો છે. અગાઉના ₹1,56,803.00ના બંધ ભાવની સામે આજે બજાર ₹1,58,436.00 પર ખૂલ્યું હતું જે તેનું આજનું હાઇ લેવલ રહ્યું છે. જ્યારે ટ્રેડિંગ દરમિયાન સોનું ₹1,57,808.00ની નીચલી સપાટી સુધી ગયું હતું. હાલમાં 1,58,000ની આસપાસ જ સોનું ટ્રેડ થઈ રહ્યું છે.
ચાંદીમાં તોતિંગ ઉછાળો
જ્યારે બીજી બાજુ ચાંદીના ભાવમાં સોના કરતાં પણ વધુ તેજી જોવા મળી છે. ચાંદીમાં આજે ₹8,290નો તોતિંગ ઉછાળો આવ્યો છે. ચાંદી અગાઉના ₹2,52,548ના બંધ ભાવની સામે આજે ₹2,57,938.00ના ભાવે ખુલી હતી. જોતજોતામાં ચાંદી વધીને ₹2,60,838.00ની સર્વોચ્ચ સપાટી પર પહોંચી ગઈ હતી.
તેજી પાછળના મુખ્ય પરિબળો
નિષ્ણાતોના મતે, આંતરરાષ્ટ્રીય સ્તરે વધી રહેલા ભૌગોલિક તણાવ અને વૈશ્વિક બજારમાં સોના-ચાંદીની વધતી માંગને કારણે કિંમતોમાં આટલો મોટો ઉછાળો જોવા મળી રહ્યો છે. આ ઉપરાંત, ડૉલરના મૂલ્યમાં ફેરફાર અને ભારતીય ગોલ્ડ ETFમાં વધતાં રોકાણના પ્રવાહે પણ બજારને તેજી તરફ ધકેલ્યું છે. સોના અને ચાંદીમાં આવેલી આ ઐતિહાસિક તેજીને કારણે હવે જ્વેલરી ખરીદનારાઓ માટે ખિસ્સું હળવું કરવું પડશે, જ્યારે રોકાણકારો માટે નફો મેળવવાની સારી તક ઊભી થઈ છે.
