Road Accident In Vav-Tharad: વાવ-થરાદ જિલ્લાના થરાદ-ઢીમા હાઇવે પર આવેલી કૃષિ યુનિવર્સિટી નજીક એસટી બસ અને બાઈક વચ્ચે જોરદાર અકસ્માત સર્જાયો હતો. આ દુર્ઘટનામાં બાઈક પાછળ સવાર એક મહિલાનું ઘટનાસ્થળે જ મોત નીપજ્યું હતું, જ્યારે બાઈકચાલકનો આબાદ બચાવ થયો છે.
ઢીમાથી દિયોદર જતી બસે બાઈકને લીધી હડફેટે
મળતી માહિતી અનુસાર, સરકારી એસટી બસ ઢીમાથી થરાદ વાયા થઈને દિયોદર તરફ જઈ રહી હતી. આ દરમિયાન હાઇવે પર કૃષિ યુનિવર્સિટી પાસેથી પસાર થતી વખતે બસ અને બાઈક વચ્ચે અકસ્માત સર્જાયો હતી. જેમાં બાઈક પર સવાર મહિલા રોડ પર પટકાતા ઘટનાસ્થળે જ મોત નિપજ્યું હતું. અકસ્માતનો ભોગ બનેલી મહિલાની ઓળખ જશીબહેન વાલ્મિકી તરીકે થઈ છે. આ અકસ્માતમાં બાઈક ચલાવી રહેલા ચાલકને સામાન્ય ઇજાઓ પહોંચી હતી, જેમને તાત્કાલિક પ્રાથમિક સારવાર આપવામાં આવી છે.
આ પણ વાંચો: અમદાવાદના ધોળકામાં વસતી ગણતરી કરવા ગયેલી શિક્ષિકાની હત્યા મામલે ચોંકાવનારો ઘટસ્ફોટ, હત્યારો પતિ પકડાયો
અકસ્માતને પગલે હાઇવે પર લોકોના ટોળા ઉમટી પડ્યા હતા અને થોડા સમય માટે વાહનોની અવરજવર ખોરવાતા ટ્રાફિક જામની સ્થિતિ સર્જાઈ હતી. ઘટનાની જાણ થતાં જ સ્થાનિક પોલીસનો કાફલો તાત્કાલિક ઘટનાસ્થળે દોડી ગયો હતો. પોલીસે મૃતક જશીબહેનના શવને કબ્જે કરીને પોસ્ટમોર્ટમ (PM) અર્થે હોસ્પિટલ ખસેડીને આગળની કાર્યવાહી હાથ ધરી છે.
