એજન્સીને
બ્લેકલિસ્ટ કરી બિલ અટકવવા માંગ
હળવદની
કુમાર એન્જિનિયરિંગને માસિક નવ લાખનો કોન્ટ્રાક્ટ છતાં શહેરમાં ગંદકીની સમસ્યા
અધ્ધરતાલ
વિરમગામ –
ભાજપ શાસિત વિરમગામ નગરપાલિકાના વોર્ડ નંબર ૬ ભાજપના સદસ્ય
અને પક્ષના દંડક શહેરમાં ઉભરાતી ગટરો દૂષિત પીવાનું પાણી સફાઈ અને ભૂગર્ભ ગટરની
સમસ્યાને લઇને અચોક્કસ મુદતના ઉપવાસ પર ઉતર્યા છે. ભાજપ સદસ્યએ નબળી કામગીરીને લઇ
કોન્ટ્રાક્ટરને બ્લકલિસ્ટ કરવા માગ કરવામાં આવી છે. અગાઉ પણ નબળી કામગીરીને લઇ રોષ
વ્યક્ત કર્યોે હતો.
વિરમગામ
નગરપાલિકાના હદ વિસ્તારમાં છેલ્લા ઘણા સમયથી વારંવાર ઉભરાતી ગટરો દૂષિત પીવાનું પાણી
સફાઈ બાબતને લઈને વિરમગામના શહેરીજનો ત્રસ્ત બન્યા છે. આ સમસ્યાનું નિવારણ લાવવા
બાબતે આવાર નવાર નગરપાલિકાના ચીફ ઓફિસરને સદસ્ય દ્વારા લેખિત, મૌખિક, ટેલીફોનિક રજૂઆતો કરી હતી. ભૂગર્ભ ગટરના મેન હોલ અને આઈસી ચેમ્બરની સાફ
સફાઈ રસ્તા ઉપર ઉભરાતી ગટરની ફરિયાદનું નિવારણ લાવવા માસિક નવ લાખ રૃપિયાના ખર્ચે
વાષક કોન્ટ્રાક્ટ હળવદની કુમાર એન્જિનિયરિંગને આપવામાં આવી છે. છતાં ઉભરાતી ગટરની
ફરિયાદોનું નિરાકરણ લાવવામાં એજન્સી સંપૂર્ણ નિષ્ફળ નીવડી છે.
વોર્ડ
નંબર છના સદસ્ય ઉમેશ વ્યાસ દ્વારા બિલોનું ચુકવણું ન કરવું અને આપેલો કોન્ટ્રાક્ટ
રદ કરવા બાબતે નગરપાલિકાના જવાબદાર ચીફ ઓફિસરને ૨૪-૬-૨૦૨૫ના રોજ લેખિતમાં જાણ કર
હતી છતાં કોન્ટ્રાક્ટર સામે કોઈ નક્કર કાર્યવાહી કરવામાં ન આવતા ૧૨-૮-૨૦૨૫ના
રિમાઇન્ડર આપી તંત્રની નીતિ રીતિ સામે ગાંધી ચિંધ્યા માર્ગે આંદોલનની ચીમકી ઉચારી
હતી. તેમ છતાં નગરપાલિકાના જવાબદાર ચીફ ઓફિસર દ્વારા કોઈ નક્કર કાર્યવાહી ન
કરવામાં આવતા ઉમેશ વ્યાસ દ્વારા ટાવર ચોકમાં અચોક્કસ મુદતના ઉપવાસ ઉપર ઉતર્યા છે.
અત્રે
ઉલ્લેખનીય છે કે સત્તાધારી પક્ષના વિરમગામ મત વિસ્તારના ધારાસભ્ય દ્વારા પણ
રાજ્યના મુખ્યમંત્રીને વિરમગામ શહેરમાં ઉભરાતી? ભૂગર્ભ ગટર ગંદકીના પ્રશ્નો નહીં ઉકેલાય
તો જન આંદોલન કરવા બાબતે લેખિતમાં પણ રજૂઆત કરવામાં આવેલી હતી.
