અમદાવાદ, રવિવાર
અમદાવાદમાં મેઘરાજા મન મૂકીને વરસતાં અનેક વિસ્તારોમાં જળબંબાકારની સ્થિતિ સર્જાઇ હતી. બીજીતરફ ધરોઇ ડેમમાંથી પાણી છોડાતા સાબરમતી નદી બે કાંઠે વહેતી થઇ હતી. જેને લઇને પૂર્વ રિવરફ્રન્ટ પોલીસ દ્વારા લાઇડ સ્પીકરથી વારંવાર સલામતી માટે તકેદારી રાખવા ચેતવણી આપી હતી છતાં વરસાદે વિરામ લેતાની સાથે જ અમદાવાદીઓ સાબરમતી નદીનું રૌદ્ર સ્વરૃપ જોવા ઉમટી પડયા હતા અને રિવરફ્રન્ટ,બ્રિજની પાળે બાળકોને જોખમી રીતે બાળકોને બેસાડીને સેલ્ફી પાડીને રિલ પણ બનાવ્યા હતા.
રિવરફ્રન્ટ, બ્રિજની પાળે જોખમી રીતે બાળકોને બેસાડી લોકોએ સેલ્ફી પાડી અને રિલ પણ બનાવ્યા
શનિવારથી ધોધમાર વરસાદની શરુઆત થઇ હતી જે આજે રવિવારે બપોર સુધી મન મૂકીને વરસ્યો હતો જેના કારણે અમદાવાદ શહેરના નિચાણ વાળા વિસ્તારોમાં ઠેર ઠેર પાણી ભરાઇ ગયા હતા. બીજીતરફ ઉપરવાસમાં પડેલા મૂશળધાર વરસાદના કારણે સાબરમતીમાં પાણી છોડવામાં આવ્યું હોવાથી નદી બે કાંઠે વહેતી થઇ હતી. જેને લઇને પોલીસ અને મ્યુનિસિપલ તંત્ર દ્વારા સાબરમતી નદી આસપસના વાડજ સહિતના નિચાણવાળા વિસ્તારોમાં રહેતા લોકોને સલામત સ્થળે ખસેડાયા હતા.
ઇસ્ટ રિવરફ્રન્ટ પોલીસ દ્વારા લાઉડ સ્પીકરથી નાગરિકોને સલમતી માટે તકેદારી રાખવા માટે વારંવાર ચેતવણી આપવામાં આવી હતી જો કે બપોર બાદ વરસાદે વિરામ લેતાની સાથે સાબરમતી નદીનું રૌદ્ર સ્વરૃપ તથા પાણીનો નજારો જોવા માટે ઉમટી પડયા હતા અને રિવરફ્રન્ટ તેમજ બ્રિજની પાળે બાળકોને જોખમી રીતે બાળકોને બેસાડીને સેલ્ફી પાડીને રિલ પણ બનાવ્યા હતા તથા ગાંધીબ્રિજ, નહેરુબ્રિજ અને સુભાષબ્રિજ ઉપર વાહનો પાર્ક કરવાના કારણે ટ્રાફિક પણ ચક્કાજામ થઇ ગયો હતો.
