Vadodara Liqour Crime : વડોદરા જીલ્લામાં સાવલી તાલુકાના મંકોડીયાપુરા ગામે દારૂના કટીંગ વેળા પોલીસે ત્રાટકીને રૂા.18 લાખના દારૂ સહિત કુલ 23 લાખનો મુદામાલ જપ્ત કર્યો હતો.
ગામના અમીત તીરથભાઈ માળી અને હિતેશ તીરથભાઈ માળી ગામના ખેતરમાં આવેલી પતરાવાળી ઓરડીમાં દારૂનો જથ્થો ઉતારી રહ્યા છે તેવી બાતમી આધારે પોલીસની ટીમે મંકોડીયાપુરા ગામમાં દરોડો પાડી તપાસ હાથ ધરી હતી. પોલીસની હાજરી જોતા બે શખ્સો અંધારાનો લાભ લઈ ખેતરમાં ભાગી ગયા હતા. સ્થળ પરથી મોટી માત્રામાં દારૂનો જથ્થો મળી આવ્યો. તપાસ દરમિયાન અશોક લેલેન્ડ કંપનીની ટ્રકમાંથી ખાખી બોક્સોમાં ભરેલો દારૂ મળ્યો. કુલ 8,832 ક્વાટરીયા અને બીયરની બોટલો મળી આવી, જેની કિંમત અંદાજે રૂ.18,10,560 થાય છે. સાથે જ ગાડીની કિંમત રૂ.5,00,000 ગણાતાં કુલ રૂ.23,10,560ના મુદ્દામાલનો જથ્થો કબ્જે લેવાયો છે.
