જામનગર તાલુકાના સિક્કામાં વૃંદાવન સોસાયટીમાં રહેતા અને ટ્રાન્સપોર્ટ નો વ્યવસાય કરતા સહદેવભાઈ પ્રવીણભાઈ હોરીયા નામના 32 વર્ષના વેપારી યુવાને પોતાની સાથે છેતરપિંડી કરવા અંગે તેમજ ખોટો કેસ કરવાની ધમકી આપવા અંગે સિક્કા હાઉસિંગ બોર્ડ કોલોનીમાં રહેતા લકકીરાજસિંહ અશોકસિંહ ઝાલા સામે ફરિયાદ નોંધાવી છે.
પોલીસ ફરિયાદમાં જાહેર કરાયા અનુસાર ફરિયાદી યુવાને 76,000ની કિંમતમાં આઈફોન ખરીદ કરીને આરોપીને વાપરવા માટે આપ્યો હતો, જે મોબાઈલ ફોન કે તેના રૂપિયા પરત કર્યા ન હતા, અને ફરિયાદી વેપારી યૂવાન સાથે છેતરપિંડી કરી હતી. આ ઉપરાંત તેની સામે ખોટો કેસ કરવાની ધમકી આપી હતી, જેથી મામલો સિક્કા પોલીસ મથકમાં લઈ જવાયો છે, અને પોલીસ ફરિયાદ નોંધાવી છે.
