– ટ્રકે બાઈકને અડફેટે લેતા અકસ્માત સર્જાયો હતો, ટ્રક ચાલક ફરાર
– ભાવનગરથી દવા લઈને પતિ-પત્નિ ઘર પરત જઈ રહ્યાં હતા ત્યારે અકસ્માત નડયો, ગુનો નોંધાયો
સિહોર : સિહોરમાં દાદાની વાવ નજીક ટ્રકે બાઈક પર જઈ રહેલા દંપતિને અડફેટે લેતા સર્જાયેલા અકસ્માતમાં પતિનું મોત નિપજ્યું છે. બનાવ અંગે સિહોર પોલીસે ગુનો નોંધી આગળની કાર્યવાહી હાથ ધરી છે.
પાલિતાણાના વાળુકડ (બાઈનું) ગામે રહેતા ભાવેશભાઈ વલ્લભભાઈ મકવાણાએ સિહોર પોલીસ મથકમાં જીજે-૧૦-ટીવી-૯૧૯૪ નંબરના ટ્રકના ચાલક વિરૂદ્ધ ફરિયાદ નોંધાવી હતી. જેમાં આજે બપોરના સમયે તેમના કાકા તુલશીભાઈ ઉર્ફે જીકાભાઈ વાલજીભાઈ મકવાણા (ઉ.વ.૫૯) તથા તેમના કાકી ઉષાબેન ભાવનગરથી દવા લઈને જીજે-૦૪-બીએસ-૯૫૩૮ નંબરની બાઈક લઈને ઘરે પરત આવી રહ્યાં હતા ત્યારે આજે બપોરના ૧.૩૦ કલાકના અરસામાં સિહોરની દાદાની વાવ નજીક પહોંચતા પાછળથી આવલે ઉક્ત ટ્રકે બાઈક સાથે અકસ્માત સર્જી તેમના કાકા તુલશીભાઈ ઉર્ફે જીકાભાઈનું મોત નિપજાવી નાસી છૂટયો હતો. બનાવ અંગે સિહોર પોલીસે ગુનો નોંધી આગળની કાર્યવાહી હાથ ધરી છે.
