રાપર મામલતદારનાં સહી સિક્કાવાળા બોગસ સટફિકેટ બનાવી રજુ કરતા તમિલનાડુમાં ઝીરો નંબરથી ફરિયાદ નોંધાયા બાદ રાપર પોલીસમાં ટ્રાન્સફર કરાઇ
ગાંધીધામ: સીઆઈએસએફમાં ભરતી થવા માટે રાપર તાલુકાનાં શાનગઢ ખાતે રહેતા હોવાના ખોટા પુરાવા રજૂ કરી ભરતીમાં પસંદ થઈ સરકાર સાથે છેતરપીંડી કરવામાં આવતા ત્રણ પરપ્રાંતીય યુવાનો સામે ગુનો નોંધાયા બાદ રાપરમાં જ વધુ પાંચ ઈસમો સામે બોગસ ડોમિસાઈલ સટફિકેટ રજૂ કર્યાની ફરિયાદ નોંધાઈ છે. સટફિકેટની ખરાઈ કરવા માટે કચ્છ કલેક્ટર કચેરીમાં મોકલવામાં આવતા સટફિકેટ બોગસ હોવાનું સામે આવતા તમિલનાડુ ખાતે ફરિયાદ નોંધાવ્યા બાદ તે રાપર ખાતે ટ્રાન્સફર કરવામાં આવી છે.
આ મળતી વિગતો મુજબ બાબતે સીઆઈએસએફના કંપની કમાન્ડન્ટ દ્વારા સરકાર તરફે અલગ અલગ ફરિયાદ નોંધાવવામાં આવી છે. જેમાં ગત ૧૫ જાન્યુઆરી મહિનામાં તમિલનાડુ ખાતે કુલ ૮ ઇસમો વિરુદ્ધ ફરિયાદ નોંધાવવામાં આવી હતી. રાપર તાલુકાના શાનગઢ ખાતે આ બનાવ બન્યો હતો. સીઆઈએસએફની ભરતીમાં પસંદ થવા માટે આરોપીઓએ પુર્વ કચ્છનાં રાપર મામલતદાર કચેરીનાં સહી સિક્કાવાળા બોગસ ડોમિસાઈલ સટફિકેટ બનાવી તેનો ખરા તરીકે ઉપયોગ કરી ભરતી થઈ સરકાર સાથે છેતરપીંડી કરી હતી. આ મામલે તમિલનાડુના થક્કોળમ પોલીસ સ્ટેશન ખાતે જાન્યુઆરી માહિનામાં ગુનો દાખલ કરવામાં આવ્યો હતો. બનાવ સ્થળ રાપરનું હોવાથી ત્યાંથી જીરો નંબરથી ફરિયાદ રાપર પોલીસમાં ટ્રાન્સફર થઈને આવી છે. રાપરના શાનગઢ ખાતે રહેતા ત્રણ આરોપીઓ સામે ગત શુક્રવારે ફરિયાદ નોંધાયા બાદ ગત શનિવારે વધુ ૬ આરોપીઓ ઉત્તમસિંગ ઉમેદસિંગ રાજપૂત, પંકજ કૈલાશચંદ સૈની, પ્રદીપકુમાર સુલતાનરાય વર્મા, વિકાસ ઇન્દ્રાજ ચૌધરી અને અને અંકિતકુમાર જ્ઞાનચંદ સ્વામી સામે ગુનો દાખલ કરવામાં આવ્યો છે. જીરો નંબરની ફરિયાદ આવ્યા બાદ રાપર પોલીસે આરોપી સામે ગુનો નોંધી આગળની તપાસ હાથ ધરી છે.
