વડોદરાઃ હરણીરોડ વિસ્તારની ખુલ્લી ગટરમાં આજે એક ગાય ખાબકતાં ફાયર બ્રિગેડના જવાનોએ તેને બહાર કાઢી હતી.
નાગેશ્વર મંદિર પાછળ આવેલી ધ ન્યૂ હોરિઝોન સ્કૂલની પાસે ખુલ્લી ગટરમાં એક ગાય પડી ગઇ હોવાનો મેસેજ મળતાં ફાયર બ્રિગેડે દોરડું બાંધીને ગાયને બહાર કાઢી હતી.ગાય નાની હોવાથી ચેમ્બર તોડવી પડી નહતી.
દાંડિયાબજાર ફાયર બ્રિગેડના સબ ઓફિસર રવિન્દ્ર કદમે કહ્યું હતું કે,નજીકમાં સ્કૂલ આવેલી છે અને ચાર ચેમ્બરના ઢાંકણાં ખુલ્લા છે.જેથી ગમે ત્યારે કોઇ બાળક પડી જાય તેવી ભીતી હોવાથી સ્કૂલ સત્તાધીશોને ફેન્સિંગ કે વોલ બનાવવા જાણ કરી હતી.
