Tahawwur Rana’s Extradition To India: મુંબઈના 26/11 આતંકવાદી હુમલાના આરોપી તહવ્વુર રાણા હવે થોડી કલાકોમાં ભારત પહોંચી જશે. અમેરિકાનું એક વિશેષ વિમાનમાં ભારતીય અધિકારી તહવ્વુર રાણાને લઈને રવાના થઈ ચૂક્યું છે. માહિતી અનુસાર, આજે સાંજે 7:10 વાગ્યે આ વિમાને અમેરિકાથી ઉડાન ભરી હતી.
મળતી માહિતી અનુસાર, ભારત પહોંચતા જ NIA તેની ઔપચારિક રીતે ધરપકડ કરી લેશે. આ ઘટનાક્રમથી પાકિસ્તાન પર આંતરરાષ્ટ્રીય પ્રેશર વધવાની શક્યતા છે, કારણ કે રાણાને લશ્કર-એ-તૈયબા અને ISIથી જોડવામાં આવી રહ્યો છે.
દિલ્હીમાં જ થશે સુનાવણી
NIAએ આ કેસને મુંબઈથી દિલ્હી ટ્રાન્સફર કરાવ્યો છે, અને હવે તેની તમામ સુનાવણી દિલ્હીમાં થશે. કાયદા મંત્રાલયના સૂચન બાદ આજથી જ આ કેસ દિલ્હી સ્થિત NIA હેડક્વાર્ટરમાં સ્થાનાંતરિત કરાયું. ગૃહ મંત્રાલય દ્વારા NIAએ કાયદા મંત્રાલય પાસેથી આ ટ્રાન્સફર માટે મંજૂરી લીધી હતી.
રાણાના ભારત પહોંચતા જ પ્રાથમિક કસ્ટડીમાં NIAની પાસે રાખવામાં આવશે, જ્યાં તેની પૂછપરછ થશે. ત્યારબાદ તેને દિલ્હી અથવા મુંબઈની વિશેષ જેલમાં રાખવાની વ્યવસ્થા કરાઈ રહી છે.
