77th Republic Day Honors: ભારત સરકાર દ્વારા 26 જાન્યુઆરી 2026ના રોજ 77મા પ્રજાસત્તાક દિવસ નિમિત્તે પોલીસ, ફાયર બ્રિગેડ, હોમગાર્ડ, સિવિલ ડિફેન્સ અને સુધારાત્મક સેવાઓના કુલ 982 કર્મચારીઓને શૌર્ય અને વિશિષ્ટ સેવા મેડલ એનાયત કરવાની જાહેરાત કરવામાં આવી છે. જેમાં 125 શૌર્ય મેડલનો સમાવેશ થાય છે, જેમાંથી સૌથી વધુ 45 મેડલ જમ્મુ-કાશ્મીર ક્ષેત્રમાં બહાદુરી દાખવનારા જવાનોને ફાળે ગયા છે.
125 શૌર્ય પુરસ્કારોમાંથી મોટાભાગના, ડાબેરી ઉગ્રવાદ પ્રભાવિત વિસ્તારોના 35 કર્મચારીઓ, જમ્મુ અને કાશ્મીર ક્ષેત્રના 45 કર્મચારીઓ, ઉત્તર-પૂર્વના 5 કર્મચારીઓ અને અન્ય પ્રદેશોના 40 કર્મચારીઓને તેમની બહાદુરીપૂર્ણ કાર્યવાહી માટે એનાયત કરવામાં આવી રહ્યા છે.
આ પણ વાંચો: કચ્છમાં 14 વર્ષમાં 4.0થી વધુ તીવ્રતાના 32 ભૂકંપ! સૌરાષ્ટ્રમાં ‘સ્વાર્મ અર્થક્વેક’નું જોખમ
શૌર્ય માટે ચંદ્રક (GM): શૌર્ય માટે 125 ચંદ્રકોમાંથી, 121 પોલીસ કર્મચારીઓ અને 4 ફાયર સર્વિસ કર્મચારીઓને GM એનાયત કરવામાં આવ્યા છે. પ્રતિષ્ઠિત સેવા માટે રાષ્ટ્રપતિ ચંદ્રક (PSM) સેવામાં વિશેષ વિશિષ્ટ રેકોર્ડ માટે આપવામાં આવે છે અને મેરીટોરીયસ સર્વિસ માટે ચંદ્રક (MSM) સંસાધન અને ફરજ પ્રત્યેની નિષ્ઠા દ્વારા વર્ગીકૃત મૂલ્યવાન સેવા માટે એનાયત કરવામાં આવે છે. જ્યારે ગુજરાતમાથી વિશિષ્ટ સેવા માટે રાષ્ટ્રપતિ ચંદ્રક (PSM)મા અધિક મહાનિર્દેશક નિપુણા મિલિંદ તોરાવણે અને પોલીસ અધિક્ષક શૈલેષસિંહ શ્યામબલીસિંહ રઘુવંશીને એનાયત કરાયા છે.
પ્રતિષ્ઠિત સેવા માટે 101 રાષ્ટ્રપતિ ચંદ્રક (PSM)માંથી, 89 પોલીસ સેવાને, 5 ફાયર સર્વિસને, 3 સિવિલ ડિફેન્સ અને હોમગાર્ડ સર્વિસને અને 4 સુધારાત્મક સેવાને એનાયત કરવામાં આવ્યા છે. મેરીટોરીયસ સર્વિસ (MSM) માટે 756 ચંદ્રકોમાંથી, 664 પોલીસ સેવાને, 34 ફાયર સર્વિસને, 33 સિવિલ ડિફેન્સ અને હોમગાર્ડ સર્વિસને અને 25 સુધારાત્મક સેવાને એનાયત કરવામાં આવ્યાં છે.
