રેલવેમાં ચલાવવામાં આવી રહેલા “મિશન સંપર્ક” કાર્યક્રમ હેઠળ, પશ્ચિમ રેલવે મુખ્યાલય, મુંબઈના પ્રિન્સિપલ ચીફ પર્સનલ ઓફિસર (PCPO) શ્રીમતી મંજુલા સક્સેનાએ 17/07/2025 ના રોજ પોરબંદર સ્ટેશનની મુલાકાત લીધી હતી. પોરબંદર પહોંચ્યા પછી, બંને માન્યતા પ્રાપ્ત ટ્રેડ યુનિયનના પ્રતિનિધિઓએ તેમને મળ્યા હતા. મુલાકાત દરમિયાન, ભાવનગર ડિવિઝનના સિનિયર ડિવિઝનલ પર્સનલ ઓફિસર, શ્રી હુબલાલ જગન અને આસિસ્ટન્ટ પર્સનલ ઓફિસર શ્રી સંતોષ કુમાર વર્મા અને આસિસ્ટન્ટ ડિવિઝનલ એન્જિનિયર, પોરબંદર શ્રી રાજૂ પાલ હાજર હતા.
તેમણે પોરબંદરમાં તમામ વિભાગોના સુપરવાઇઝર અને તેમના તાબાના અધિકારીઓને મળ્યા અને એક પછી એક તેમની સમસ્યાઓ સાંભળી. મુલાકાત દરમિયાન, 180 થી વધુ કર્મચારીઓનો સંપર્ક કરવામાં આવ્યો, જેમાં મહિલા કર્મચારીઓનો પણ સમાવેશ થાય છે. કર્મચારીઓએ રોજિંદા કામમાં આવતી સમસ્યાઓ વિશે માહિતગાર કર્યા. ડેપોમાં કામ કરતી મહિલાઓએ તેમના કાર્યસ્થળ પર રેસ્ટ રૂમ બનાવવા વિનંતી કરી. મોટાભાગના કર્મચારીઓને રેલવે રહેઠાણ અને ક્વાર્ટર્સના જાળવણી અંગે ફરિયાદો હતી. પોરબંદરના આસિસ્ટન્ટ એન્જિનિયરને રેલવે ક્વાર્ટર્સ અંગે રિપોર્ટ રજૂ કરવાનો નિર્દેશ આપવામાં આવ્યો હતો.
શ્રીમતી સક્સેનાએ કર્મચારી હિત નિધિમાંથી કર્મચારીઓ અને તેમના પરિવારોને આપવામાં આવતા નાણાકીય લાભો અને શારીરિક અને માનસિક રીતે દિવ્યાંગ આશ્રિતોને આપવામાં આવતા સાધનો વિશે માહિતી આપી. કર્મચારીઓને વિવિધ વિભાગીય પ્રમોશન, MACP અને AVC પ્રમોશન વગેરે વિશે વિગતવાર માહિતી આપવામાં આવી. પગાર અને ભત્તાની સમયસર ચુકવણી વિશે પૂછવામાં આવતા, ટ્રેડ યુનિયનના પ્રતિનિધિઓ અને કર્મચારીઓએ જણાવ્યું કે તમામ ચુકવણી સમયસર કરવામાં આવી રહી છે. કેટલાક વિભાગોના સુપરવાઇઝરોએ કેડરમાં ખાલી જગ્યાઓને કારણે અન્ય કર્મચારીઓ પર કામનો બોજ વધવાની સમસ્યા વ્યક્ત કરી.
તેઓએ પોરબંદરથી 15 કિમી દૂર રાણાવાવ રેલવે સ્ટેશન પર તે સેક્શનમાં ટ્રેક પર કામ કરતા ટ્રેક મેન્ટેનર્સ સાથે પણ મુલાકાત કરી અને તેમની સમસ્યાઓ સાંભળી. તમામ ટ્રેક મેન્ટેનર્સને તેમની સલામતી માટે જારી કરાયેલ સ્વ-બચાવ માર્ગદર્શિકા વિશે માહિતી આપવામાં આવી. રાણાવાવ સ્ટેશન પર ટ્રેક મેન્ટેનર્સ સાથે વર્કિંગ લંચનું આયોજન કરવામાં આવ્યું હતું, જેમાં ટ્રેક મેન્ટેનર્સ અને અન્ય વિભાગોના કર્મચારીઓએ પણ ભાગ લીધો હતો.
બંને માન્યતા પ્રાપ્ત ટ્રેડ યુનિયનોના કર્મચારીઓ અને પ્રતિનિધિઓ પ્રસંન્નતા વ્યક્ત કર્યો અને પોરબંદર આવીને તેમની સમસ્યાઓ સાંભળવા બદલ તેમનો આભાર માન્યો.
