ઉપરાષ્ટ્રપતિ જગદીપ ધનખડનું એકાએક રાજીનામું : આરોગ્ય અગ્રતા ક્રમે

– ધનખડ 2022માં ઉપરાષ્ટ્રપતિ બન્યા હતા, બે વર્ષનો કાર્યકાળ બાકી હતો

– 60 દિવસમાં ઉપરાષ્ટ્રપતિની ચૂંટણી યોજવી પડશે રાજ્યસભાના અધ્યક્ષનું કામ હાલ ઉપાધ્યક્ષ સંભાળશે

નવી દિલ્હી : ભારતના ઉપરાષ્ટ્રપતિ જગદીપ ધનખડેએ પોતાના પદ પરથી તાત્કાલિક અસરથી રાજીનામું આપી દીધું છે. તેમણે રાષ્ટ્રપતિ દ્રૌપદી મુર્મુને લખેલા એક પત્રમાં આરોગ્ય સંબધી કારણો અને મેડિકલ સલાહનો સંદર્ભ આપી બંધારણની કલમ ૬૭(એ) હેઠળ પોતાના રાજીનામાની જાહેરાત કરી હતી. સંઘપ્રમુખ મોહન ભાગવતે તાજેતરમાં જ ૭૫ વર્ષે નિવૃત્તિની વાત કહી હતી તેવા સમયે જ ધનખડે રાજીનામું આપ્યું છે.