– પાકિસ્તાન સાથે સરખામણીની ટ્રમ્પની ચાલમાં ભારતે ના ફસાવું જોઈએ
– ભારતીયોએ ત્રણેક વર્ષ મુશ્કેલ આર્થિક પરિસ્થિતિની તૈયારી સાથે વૈશ્વિક પડકારોનો સામનો કરવો જોઈએ : ઉદય કોટક
– ટેરિફ મુદ્દે હાલમાં યુરોપે અમેરિકા સામે નમતુ ઝોખ્યું જ્યારે રેર અર્થની તાકાતથી ચીન યુએસને નમાવી રહ્યું છે
નવી દિલ્હી: અમેરિકન પ્રમુખ ડોનાલ્ડ ટ્રમ્પે ભારત પર ૫૦ ટકા જેટલો જંગી ટેરિફ નાંખીને વેપાર સોદામાં પોતાની મરજી થોપવા દબાણ કર્યું છે અને ટ્રમ્પ પાકિસ્તાન સાથે ભારતની સરખામણી કરી રહ્યા છે ત્યારે ભારતે ટ્રમ્પની ચાલમાં ફસાવું જોઈએ નહીં. ભારતે રાષ્ટ્રીય હિત પર ધ્યાન આપવું જોઇએ અને આર્થિક શક્તિ બનવા પર ધ્યાન કેન્દ્રીત કરવું જોઈએ. સાથે ભારતે ટ્રમ્પના અહંકાર સાથે વ્યૂહાત્મક રીતે વ્યવહાર કરવો જોઇએ તેમ કોટક મહિન્દ્રા બેન્કના સ્થાપક અને ડિરેક્ટર ઉદય કોટકે જણાવ્યું હતું.
