Google news : ભારતમાં પ્લેસ્ટોર પોલિસીના ભંગમાં દોષિત ઠરેલી ગૂગલને એનસીએલએટીએ દંડમાં રાહત કરી આપી છે. ગૂગલને અગાઉ રૂ. 936 કરોડનો દંડ કરવામાં આવ્યો હતો. હવે તેને ઘટાડીને રૂ. 216 કરોડ કરવામાં આવ્યો છે. ગૂગલને ભારતમાં તેની પ્લે સ્ટોર નીતિઓનો ભંગ કરવા બદલ દોષિત ઠેરવવામા આવી છે. આ બદલ તેને ફટકારાયેલા દંડમાં એનસીએલએટીએ ઘટાડો કર્યો છે.
નેશનલ કંપની લો એપેલેટ ટ્રિબ્યુનલ (એનસીએલએટી)એ પોતાના ચુકાદામાં કોમ્પિટિશન કમિશન ઓફ ઇન્ડિયા (સીસીઆઈએ) ગૂગલને દોષિત ઠેરવતો ચુકાદો જાળવી રાખ્યો છે, પરંતુ તેને ચૂકવવાની દંડની રકમમાં નોંધપાત્ર ઘટાડો કરવામાં આવ્યો છે. સીસીઆઈએ જણાવ્યું હતું કે ગૂગલે તેની પ્લે સ્ટોર પોલિસીનો દૂરુપયોગ કર્યો છે, તે યોગ્ય ધધાકીય કાર્યપ્રણાલિના નિયમથી વિપરીત છે. ગૂગલની પોલિસી પ્રતિસ્પર્ધાના નિયમોની વિરોધમાં છે.
સીસીઆઈએ ગૂગલને રુ. 936 કરોડનો દંડ ફટકાર્યો હતો. પણ એનસીએલએટીએ ગૂગલને ફટકારેલો દંડ રુ. 216 કરોડ કર્યો છે. એનસીએલએટીના જસ્ટિસ અશોક ભૂષણ અને ટેકનિકલ સભ્ય વરુણ મિત્રાની બે સભ્યોની બેન્ચે જણાવ્યું હતું કે ગૂગલે તેની મજબૂત પોઝિશનનો દૂરુપયોગ કર્યો છે જે નિયમોથી વિપરીત છે.
એનસીએલએટીનું માનીએ તો ગૂગલની અપીલ પહેલાં જ દંડની દસ ટકા રકમ જમા કરાવી દેવાઈ છે. આવામાં બાકી રકમ આજથી 90 દિવસની અંદર જમા કરવી પડશે. ગૂગલને આ દંડ સીસીઆઈએ 2022માં કર્યો હતો. સીસીઆઈના ચુકાદાને ગૂગલની પેરેન્ટ કંપની આલ્ફાબેટે પડકાર્યો હતો. દંડની સાથે-સાથે સીસીઆઈએ ટેક કંપનીને કારોબાર કરતાં ખોટી રીતે રોકવા અને એક નિશ્ચિત સમયમર્યાદાની અંદર પ્રતિસ્પર્ધા વિરોધી ચિંતાઓ દૂર કરવા માટે સુધારણાના પગલાં જારી કરવાનો નિર્દેશ પણ આપ્યો હતો.
