EVM Voting Results Change After SC Recounting Order: દેશમાં પહેલીવાર સુપ્રીમ કોર્ટે ખુદ કોર્ટ પરિસરમાં ઇલેક્ટ્રોનિક વોટિંગ મશીન (EVM) મંગાવીને હરિયાણાના પાનીપત જિલ્લાના બુઆના લાખુ ગ્રામ પંચાયતના સરપંચની ચૂંટણીની મતગણતરી કરાવી. આ ગણતરી બાદ પરિણામો બદલાઈ ગયા અને મોહિત કુમારને ચૂંટાયેલા સરપંચ જાહેર કરવામાં આવ્યા. જણાવી દઇએ કે, 2 નવેમ્બર, 2022ના દિવસે સરપંચની ચૂંટણીના પરિણામ જાહેર કરવામાં આવ્યા હતા. જેમાં કુલદીપ સિંહ વિજેતા હતા. મોહિત કુમારે પરિણામને પડકારતા એડિશનલ સિવિલ જજ (સિનિયર ડિવિઝન) કમ ઇલેક્શન ટ્રિબ્યુનલમાં અરજી દાખલ કરી હતી.
