ત્રણ
શખ્સો હજુ ફરાર ઃ પોલીસે મુદ્દામાલ રિકવર કર્યો
પાંચ
દિવસ અગાઉ ચાર શખ્સોએ કંપનીના પાર્કિંગમાંથી આઇશર અને સ્પેરપાર્ટસની ચોરી કરી ફરાર
થયા હતા
માંડલ –
વિઠલાપુરની કંપનીમાં રૃ.૫૪.૯૫ લાખના મુદ્દામાલની ચોરી કરનાર
તસ્કર ઝડપાયો છે. પાંચ દિવસ અગાઉ ચાર શખ્સોએ કંપનીના પાર્કિંગમાંથી આઇશર અને
સ્પેરપાર્ટસની ચોરી કરી ફરાર થયા હતા. પોલીસે મુદ્દામાલ રિકવર કરી ફરાર ત્રણ
શખ્સોને ઝડપી પાડવા તપાસ હાથ ધરી છે.
માંડલ
તાલુકાના વિઠ્ઠલાપુર ઔદ્યોગિક હબ વિસ્તાર ૨૪ કલાક ધમધમતો રહે છે. બીજી બાજુ
ગુનાઓનું પ્રમાણ પણ વધ્યું છે. પાંચેક દિવસ પહેલાં વિઠલાપુર પાસે આવેલી ખાનગી
કંપનીના ગેટ પાસે પાકગમાંથી એક આઇશર અને તેમાં ભરેલો ખાનગી કંપનીના સ્પેરપાર્ટસની
ચોરી થઇ હતી. જેની ૨૮-૦૮-૨૦૨૫ના રોજ ફરિયાદ વિઠ્ઠલાપુર પોલીસ મથકે નોંધાઇ હતી.
દરમિયાન
વિઠ્ઠલાપુર પોલીસ મથકના પોલીસને બાતમી મળી હતી કે ખાનગી કંપનીના પાકગમાંથી ચોરી
થયેલા આઇશર અને સ્પેરપાર્ટસ સાથે એક શખ્સ ઉઘરોજ ચોકડી તરફથી નીકળનાર છે. જેથી
પોલીસ ઉઘરોજ ચોકડી પાસેથી બાતમીવાળી આઇશર પસાર થતાની પોલીસે આઇશર ઉભી રખાવી ૫૪.૯૫
લાખનો મુદામાલ કબજ લઈ આરોપી પીન્ટુભા રતનસંગ સોલંકી (ઉ.વ.૨૧ રહે.બેંક ઓફ બરોડાની
બાજુમાં, વિઠલાપુર,તા.માંડલને પકડી પાડયો હતો. પુછપરછ કરતાં આરોપએ જણાવ્યું કે આ કામગીરીમાં
અન્ય ત્રણ શખ્સો પણ મદદગારીમાં હોવાનું જણાવ્યું હતું. પોલીસે પીન્ટુભાની અટકાયત
કરીને ફરિયાદ નોંધીને કાર્યવાહી હાથ ધરી હતી અને બાકીના ફરાર ત્રણ શખ્સોને પકડવા
માટે તપાસ હાથ ધરી છે.
