Morbi Accident: મોરબીના જેતપર રોડ પર પાવડીયારી નજીક ડિવાઇર ક્રોસ કરતી વખતે બાઇક ચાલકને બોલેરો કારે અડફેટે લીધો હતો. આ અકસ્માત એટલો ભયાનક હતો કે, બાઇક ચાલકનું ઘટનાસ્થળે જ મોત નિપજ્યું હતું.
આ પણ વાંચોઃ વડોદરામાં સોમા તળાવ પાસે પૈસાની લેતી દેતી બાબતે થયેલા ઝઘડાની અદાવત રાખી બે પરિવાર વચ્ચે અથડામણ : ચારને ઇજા
શું હતી ઘટના?
મોરબીના પીપળી ગામે રહેતા વિનુબેન ગોહેલે મોરબી તાલુકા પોલીસમાં ફરિયાદ નોંધાવી છે. ફરિયાદ અનુસાર, જ્યારે પીઠાભાઈ ગોહેલ બાઇક પર જેતપર રોડ નજીક ડિવાઇડર ક્રોસ કરતા હતા, ત્યારે અચાનક પાછળથી પૂરપાટ ઝડપે ગાડી આવી અને તેમને અડફેટે લઈ લીધા. આ ટક્કર એટલી જોરદાર હતી કે, તેમનું ઘટનાસ્થળે જ મોત નિપજ્યું હતું.
આ પણ વાંચોઃ સુરતમાં શિક્ષણ સમિતિનો શિક્ષકોનો સન્માનનો કાર્યક્રમ ચાલ્યો ત્રણ કલાક, 185 શિક્ષકોના સન્માન માટે માત્ર 16 મિનિટ
પોલીસે હાથ ધરી તપાસ
પોલીસે આ મામલે અકસ્માતે મોતનો ગુનો દાખલ કરી વધુ તપાસ હાથ ધરી છે. આ મામલે પોલીસે આસપાસના સીસીટીવી ચેક કરવાનું શરૂ કર્યું છે. આ સિવાય હાલ પોલીસ અકસ્માત કરનાર વાહન ચાલકની શોધ કરી રહી છે.
