વડાપ્રધાન મોદી બ્રિક્સની વર્ચ્યુઅલ અને સંયુક્ત રાષ્ટ્રની બેઠકમાં હાજર નહીં રહે

– અમેરિકા, રશિયા, ચીન સાથે સંબંધોના ‘ચકડોળ’ વચ્ચે ભારતનો નિર્ણય

– પીએમ મોદીના બદલે વિદેશ મંત્રી જયશંકર ગુરુવારે બ્રિક્સની બેઠકમાં અને મહિનાના અંતમાં યુએનમાં હાજરી આપશે

– બ્રિક્સની વર્ચ્યુઅલ બેઠકમાં ડીડોલરાઈઝેશન અને ટ્રમ્પના ટેરર વિરુદ્ધ નીતિઓ અંગે ચર્ચા થવાની શક્યતા

નવી દિલ્હી : અમેરિકાના ટેરિફ ટેરર અને બ્રિક્સ દેશોને ટ્રમ્પની ધમકી વચ્ચે બ્રાઝિલના પ્રમુખ લૂલા ડા સિલ્વાએ ગુરુવારે બ્રિક્સ નેતાઓની વર્ચ્યુઅલ બેઠક બોલાવી છે. જોકે, પીએમ નરેન્દ્ર મોદી આ બેઠકમાં ગેરહાજર રહેશે. એ જ રીતે આ મહિનાના અંતમાં સંયુક્ત રાષ્ટ્રની વાર્ષિક બેઠકમાં પણ પીએમ મોદી ગેરહાજર રહેવાના છે.