દારૂના કટીંગ સમયે પોલીસ ઉપર જીવલેણ હુમલો કરવાના હરણી પોલીસ મથકે નોંધાયેલ ગુનામાં સંડોવાયેલ રતનસિંગ જબ્બરસિંગ સોઢા (રહે – કેજીએન સોસાયટી, એકતાનગર ,આજવા રોડ/ મૂળ રહે- રાજસ્થાન) વિરુદ્ધ અલગ અલગ શહેર જિલ્લામાં વિશ્વાસઘાત તથા પ્રોહિબિશનના 9 ગુના નોંધાયા છે. તેને અમદાવાદ મધ્યસ્થ જેલ ખાતે મોકલી આપ્યો હતો. તેમજ આજવા રોડ ઉપર પોતાના ઘરમાં રૂપિયા 1.9 લાખ ઉપરાંતની કિંમતનો દારૂ બિયરના જથ્થા સાથે નરેશ ઉર્ફે લાલો બાબુસિંગ ચૌહાણ (રહે- લક્ષ્મીનગર સયાજી ટાઉનશીપ રોડ) સામે બાપોદ પોલીસ મથકે પ્રોહિબિશનના પાંચ ગુના નોંધાયા છે. તેને ભાવનગર મધ્યસ્થ જેલ ખસેડ્યો હતો. જ્યારે કારેલીબાગની હોસ્પિટલમાંથી રૂ. 90 હજાર તથા ચકલી સર્કલ પાસેની દુકાનમાંથી રૂ.16 હજારની ચોરીના ગુનામાં સંડોવાયેલ અંકિત રમણભાઈ પાટણવાડીયા (રહે – પરશુરામ ભઠ્ઠામાં ,સયાજીગંજ/ મૂળ રહે – શિનોર) સામે અલગ અલગ પોલીસ મથકે ચોરી સહિતના 31 ગુના નોંધાયા છે. તેને ભાવનગર મધ્યસ્થ જેલ ખાતે ખસેડ્યો હતો.
