અમદાવાદ, સોમવાર
વટવામાં ગઇકાલે પડેલા મુશળધાર વરસાદના કારણે સોસાયટીમાં પાણી ભરાઇ ગયા હતા જેના કારણે નવરાત્રીના ગરબા માટે માતાજીની માંડવીના સ્થળે સોસાટીના ચેરમેન અને રહીશો પાણીનો નિકોલ કરતા હતા. આ સમયે સોસાટયટીમાં ભાડે રહેતા બે ભાઇએ જાણી જોઇને મંડપ પાસે એક્ટિવા પાર્ક કર્યુ હતું તેઓને હટાવવાનું કહેતા દાદાગીરી કરીને વાહન અહીથી નહી હટે કહીને ચેરમેનને ધમકી આપીને બાજુમાં ઉભેલા યુવકના ખિસ્સામાંથી ડિસમીસ લઇને ચેરમેન તથા અન્ય યુવકને માથામાં ડિસમીસના ઘા મારીને લોહી લુહાણ કરતા બન્ને હાલમાં સારવાર હેઠળ છે. આ બનાવ અંગે વટવા પોલીસે હત્યાની કોશષનો ગુનો નોંધીને સોસાયટીના સીસીટીવી ફૂટેજ આધારે વધુ તપાસ હાથ ધરી છે.
મારુ વાહન નહી હટે તારે જે કરવું હોય તે કરી લે કહી માથામાં ડિસમીસના ઘા મારી લોહી લુહાણ કરતા બન્ને સારવાર હેઠળ
વટવામાં સોસાયટીના ચેરમેને વટવા પોલીસ સ્ટેશનમાં સોસાયટીમાં ત્રણ મહિનાથી ભાડે રહેતા બે ભાઇ સામે ફરિયાદ નોંધાવી છે કે ગઇકાલે વરસાદ પડવાના કારણે સોસાયટીમાં પાણી ભરાઇ ગયા હતા જેના કારણે નવરાત્રીના ગરબા કરવા માટે મંડવી પાસેથી પાણીનો નિકોલ કરતા હતા. આ સમયે આરોપી પોતાનું એક્ટિવા ત્યાં પાર્ક કર્યુ હતું.
તેઓને એક્ટિવા હટાવવા માટે કહેતા દાદાગીરી કરીને વાહન અહીથી નહી હટે કહીને ચેરમેનને ધમકી આપી કે જે થાય તે કરી લે આજે તો ચેરમેનને પુરો કરી દેવો છે છોડવાનાો નથી કહીને બાજુમાં ઉભેલા યુવકના ખિસ્સામાંથી ડિસમીસ લઇને ચેરમેન તથા અન્ય યુવકને માથામાં ડિસમીસના ઘા મારીને લોહી લુહાણ કરતા બન્ને હાલમાં સારવાર હેઠળ છે. આ બનાવ અંગે વટવા પોલીસે હત્યાની કોશષનો ગુનો નોંધીને સોસાયટીના સીસીટીવી ફૂટેજ આધારે વધુ તપાસ હાથ ધરી છે.
