વડોદરા,કરોડિયા રોડ વિસ્તારમાં ચાલતા ગેરકાયદે કતલખાના પર જવાહર નગર પોલીસે દરોડો પાડીને આઠ આરોપીઓની સામે ગુનો દાખલ કરી કાયદેસરની કાર્યવાહી હાથ ધરી છે.
જવાહર નગર પોલીસને માહિતી મળી હતી કે, કરોડિયા રોડ લક્ષ્મીનગરમાં રહેતો ગુલામ મુસ્તુફા ઉર્ફેઇનાયત ઇબ્રાહિમભાઇ ખાટકી તેના ઘરની બાજુમાં આવેલા શેડમાં પશુઓની ગેરકાયદે કતલ કરે છે. જેથી, પોલીસે ઉપરોક્ત સ્થળે જઇને તપાસ કરતા ૮ લોકો મળી આવ્યા હતા. આ શેડના માલિક ગુલામ મુસ્તુફા પાસે પોલીસે પરમિશન માંગતા તેની પાસે કોઇ પરમિશન નહતી. શેડની બાજુના ભાગમાં બે ભેંસ તથા બે નાના પાડા કતલ માટે બાંધેલા મળી આવ્યા હતા. પોલીસે માંસનો જથ્થો, ૭ છરા કબજે લીધા હતા.
