જામનગર શહેર અને મેઘપર પંથકમાં ગઈ રાત્રે પોલીસે જુદા જુદા ચાર સ્થળોએ જુગાર અંગેના દરોડા પાડ્યા છે અને કુલ 23 આરોપીની અટકાયત કરી લઈ જુગારનું સાહિત્ય કબજે કર્યું છે, જ્યારે ત્રણ આરોપીઓ ભાગી છૂટયા હોવાથી તેઓને ફરારી જાહેર કરાયા છે.
જુગાર અંગેનો પ્રથમ દરોડો જામનગરમાં બેડી કાપડ મિલની ચાલી વિસ્તારમાં પાડવામાં આવ્યો હતો. એલ.સી.બી.ની ટુકડીએ પાડેલા આ દરોડામાં જાહેરમાં રોન પોલીસ નામનો જુગાર રમી રહેલા હુસેન આયુબભાઈ ચમડિયા, અને મનીષ વજાભાઈ સોલંકીની અટકાયત કરી લઈ તેઓ પાસેથી રોકડ રકમ મોટરસાયકલ વગેરે સહિત 2,26,000ની માલમતા કબજે કરી છે.
આ દરોડા સમયે ફારૂક ઘુંધા, હારુન ધરાર નગર વાળો અને જાવીદ ધરાર નગર વાળો, કે જેઓ પોલીસને જોઈને ભાગી છૂટ્યા છે, પરંતુ તેઓના વાહનો મળી આવ્યા છે. જે ત્રણેય આરોપીઓને પોલીસે ફરારી જાહેર કરી તેઓની શોધ ખોળ હાથ ધરી છે.
જુગાર અંગે નો બીજો દરોડો જામનગરમાં ગુરુદ્વારા ચોકડી પાસે પાડવામાં આવ્યો હતો. જયાંથી જાહેરમાં ચલણી નોટો ના નંબર ઉપર જુગાર રમી રહેલા જીતેશ શાંતિલાલ તન્ના, મનસુખ નાનજીભાઈ ધંધુકિયા, અને રમેશ શાંતિલાલ શંખેસરિયા ની અટકાયત કરી લઈ તેઓ પાસેથી રૂપિયા 10,100ની રોકડ રકમ કબજે કરી છે.
જુગાર અંગેના ત્રીજો દરોડો લાલપુર તાલુકાના પડાણામાં પાડવામાં આવ્યો હતો. ત્યાંથી જાહેરમાં ગંજી પાના વડે જુગાર રમી રહેલા રાજ રામ નરેશ શહાની, ચંદન લક્ષ્મી કુમાર સહાની સહિત નવ આરોપીઓની અટકાયત કરી લઇ તેઓ પાસેથી રૂપિયા 10,380ની રોકડ રકમ અને જુગારનું સાહિત્ય કબજે કર્યું છે.
