Nikol police inspector suspended : અમદાવાદ પોલીસ બેડામાં ખળભળાટ મચી ગયો છે. શહેરના આઈ ડિવિઝન (I-Division) ટ્રાફિક પોલીસ સ્ટેશનમાં ફરજ બજાવતા PI એન.કે. રબારીને સસ્પેન્ડ કરવામાં આવ્યા છે.
પ્રાપ્ત માહિતી અનુસાર ચકચાર મચાવનાર નિકોલ તોડકાંડ પ્રકરણમાં PI એન.કે. રબારીની ભૂમિકા તપાસ હેઠળ હતી. આ કેસની ઇન્ક્વાયરી દરમિયાન તેમણે ગંભીર બેદરકારી દાખવી હોવાનું સામે આવ્યું હતું. તપાસમાં બેદરકારી બદલ તેમની સામે આ કડક શિક્ષાત્મક કાર્યવાહી કરવામાં આવી છે.
સૂત્રોના જણાવ્યા અનુસાર ટ્રાફિક વિભાગમાં ફરજ દરમિયાન પણ તેમની કામગીરીને લઈને અનેક ફરિયાદો ઉઠી હતી. આ તમામ બાબતોને ધ્યાનમાં રાખીને પોલીસ કમિશનરે લાલ આંખ કરી છે અને PI રબારીને સસ્પેન્ડ કરવાનો હુકમ કર્યો છે.
