ગાંધીનગર જિલ્લાના માર્ગો ઉપર વધતાં અકસ્માતો
યુવાન વતનમાં જવા બસ સ્ટેન્ડ તરફ જઈ રહ્યો હતો ત્યારે અકસ્માત સર્જી વાહન ફરાર
ગાંધીનગર : ગાંધીનગર નજીક આવેલા માણસા-ગાંધીનગર હાઈવે પર વાસણ ગામ પાસે
મજૂરી કામ કરી ગુજરાન ચલાવતા અને પોતાના વતન જવાની તૈયારી કરી રહેલા એક શ્રમજીવી
યુવકને કોઈ અજાણ્યા વાહનચાલકે અડફેટે લેતા તેમનું મોત નીપજ્યું છે. આ અંગે પેથાપુર
પોલીસ મથકે ગુનો નોંધી વધુ તપાસ હાથ ધરવામાં આવી છે.
ગાંધીનગર જિલ્લાના હાઇવે માર્ગો ઉપર છેલ્લા ઘણા સમયથી
અકસ્માતની ઘટનાઓ વધી રહી છે અને તેમાં પણ હિટ એન્ડ રનના બનાવોમાં ચિંતાજનક રીતે
વધારો થયો છે ત્યારે શહેર નજીક આવેલા ગાંધીનગર માણસા હાઇવે ઉપર વાસણ પાસે વધુ એક
હિટ એન્ડ રનની ઘટના પ્રકાશમાં આવી છે. જેમાં દાહોદના યુવાનનું મોત નીપજ્યું છે. જે
ઘટના સંદર્ભે પોલીસ સૂત્રોમાંથી મળતી વિગતો પ્રમાણે મૂળ દાહોદ જિલ્લાના ઝાલોદ
તાલુકાના મહૂડી ગામના રહેવાસી રાજુભાઈ રૃપાભાઈ ગરાસીયા છેલ્લા પંદર દિવસથી
ગાંધીનગરના વાસણ ગામે રોડના કામ અર્થે મજૂરી કરવા આવ્યા હતા. ગત મંગળવારના રોજ
રાત્રે આશરે ૮થ૦૦ વાગ્યાના સુમારે,
રાજુભાઈ વાસણ ગામના વાસણીયા મહાદેવ મંદિર નજીક હાઈવે રોડની સાઈડમાં ચાલીને જઈ
રહ્યા હતા.
તે દરમિયાન પુરઝડપે આવી રહેલા એક અજાણ્યા વાહનચાલકે
રાજુભાઈને જોરદાર ટક્કર મારી હતી. અકસ્માત સર્જીને વાહનચાલક ફરાર થઈ ગયો હતો. આ
અકસ્માતમાં રાજુભાઈને માથાના ભાગે ગંભીર ઈજાઓ થઈ હતી. ઈજાગ્રસ્ત હાલતમાં સારવાર
અર્થે ૧૦૮ મારફતે ગાંધીનગર સિવિલ હોસ્પિટલ ખસેડવામાં આવ્યા હતા, જ્યાં ફરજ પરના
તબીબે તેમને મૃત જાહેર કર્યા હતા. મૃતકના ખિસ્સામાંથી મળેલી ડાયરી અને ફોન નંબરના
આધારે પોલીસ તેમના પરિવારનો સંપર્ક કરી શકી હતી. આ બનાવ અંગે મૃતકના મોટાભાઈ
રતનભાઈ રૃપાભાઈ ગરાસીયાએ પેથાપુર પોલીસ સ્ટેશનમાં અજાણ્યા વાહનચાલક વિરુદ્ધ ફરિયાદ
નોંધાવી છે
