શહેરના સમા સ્પોર્ટસ કોમ્પ્લેક્સ ખાતે આયોજિત પેરા રેન્કિંગ ટેબલ ટેનિસ ચેમ્પિયનશિપનું સમાપન થતા ઈનામ વિતરણ સમારોહ યોજાયો હતો.
ગુજરાત સ્ટેટ ટેબલ ટેનિસ એસોસિએશન અને ટેબલ ટેનિસ ફેડરેશન ઓફ ઈન્ડિયા (ટીટીએફઆઈ)ના નેજા હેઠળ ટેબલ ટેનિસ એસોસિએશન ઓફ બરોડા (ટીટીએબી)દ્વારા સમા સ્પોર્ટસ કોમ્પ્લેક્સ ખાતે આયોજિત યુટીટી બીજી પેરા રેન્કિંગ ટેબલ ટેનિસ ચેમ્પિયનશિપનો આજેસમાપન સમારોહ યોજાયો હતો. જેમાં વિજેતા ખેલાડીઓને રોકડ રકમ, મેડલ, ટ્રોફી અને પ્રમાણપત્ર આપી સન્માનિત કરાયા હતાં. આ સ્પર્ધામાં ૧૮ રાજ્યોમાંથી ૨૨૫ ટોચના પેરા ખેલાડીઓએ ભાગ લીધો હતો. મેન્સ – વિમેન્સ સિંગલ્સ ૧ થી ૧૦ શ્રેણીમાં થઈ કુલ ૧૮ ઇવેન્ટ્સ રમાઈ હતી.૧ થી ૫ શ્રેણીમાં વ્હીલચેર અને ૬ થી ૧૦ માં સ્ટેન્ડિંગ ખેલાડીઓ હતા. ચેમ્પિયનશિપ બે તબક્કામાં રમાઈ રહી હતી એટલે કે સ્ટેજ-૧ માં ખેલાડીઓના ૩ – ૪ ગ્રુપ બનાવી રાઉન્ડ રોબિન લીગ મેચ રમાઈ હતી. સ્ટેજ-૨ માં સ્ટેજ-૧ ના દરેક ગ્રુપના ટોચના બે વિજેતાઓએ નોકઆઉટ માટે આગળ વધી ટાઈટલ માટે સ્પર્ધા કરી હતી.
