Vadodara RTO Office : વડોદરા આર.ટી.ઓ કચેરી દ્વારા મોટરિંગ પબ્લિકને સગવડતા માટે ટુ-વ્હીલર, ફોર-વ્હીલર, થ્રી-વ્હીલર અને ટ્રાન્સપોર્ટ વર્ગના વાહનો માટે પસંદગીના ગોલ્ડ અને સિલ્વર નંબરની ફાળવણી માટે ઓનલાઈન રી-ઓક્શન પ્રક્રિયા શરૂ કરવામાં આવી છે.
આગામી તા.15 ડિસેમ્બરથી વિવિધ સીરીઝના નંબર માટે રી-ઓક્શન ખુલશે. ઇચ્છુક વાહન માલિકો પોતાના વાહનનું રજીસ્ટ્રેશન કરાવી પોર્ટલ પર ઓનલાઈન અરજી કરી હરાજીમાં ભાગ લઇ શકશે.
રી-ઓક્શન માટે ઓનલાઈન ફોર્મ/રજીસ્ટ્રેશન તા.15 ડિસેમ્બર બપોરે 4 વાગ્યાથી 17 ડિસેમ્બર બપોરે 3.59 સુધી ભરવું રહેશે. ત્યારબાદ તા.17 ડિસેમ્બર બપોરે 4 વાગ્યાથી તા.19 ડિસેમ્બર બપોરે 4 વાગ્યા સુધી બિડિંગ પ્રક્રિયા ઓપન રહેશે.
વાહનના સેલ લેટરમાં દર્શાવેલી સેલ તારીખથી 7 દિવસની અંદર સીએનએ ફોર્મ જમા કરાવનાર અરજદારો જ હરાજીમાં ભાગ લઇ શકશે. સમય મર્યાદા બહાર કરાયેલ અરજીઓ માન્ય ગણાશે નહીં, તેમ પ્રાદેશિક વાહન વાહનવ્યવહાર અધિકારી, વડોદરા દ્વારા જણાવાયું છે.
