વડોદરા,શહેરમાં રખડતા ઢોરના કારણે અવાર – નવાર અકસ્માતો થઇ રહ્યા છે. ગઇકાલે રાતે નોકરીથી પરત જતા બાઇક સવાર યુવકના રસ્તા વચ્ચે ગાય આવી જતા ઇજાગ્રસ્ત થયો હતો.
મળતી માહિતી મુજબ, ન્યૂ વી.આઇ.પી.રોડ સાંઇદીપ નગરમાં રહેતો સંકેત મનોજભાઇ પટેલ ( ઉં.વ.૩૪) નોકરી કરે છે. ગત મોડીરાતે નોકરી પરથી છૂટીને તે બાઇક લઇને ઘરે જઇ રહ્યો હતો. કારેલીબાગ બ્રાઇટ સ્કૂલ નજીકથી પસાર થતો હતો. તે દરમિયાન રસ્તા વચ્ચે ગાય આવી જતા તે રોડ પર પટકાતા મોંઢા પર ઇજા પહોંચી હતી. તેને સારવાર માટે સયાજી હોસ્પિટલમાં દાખલ કરવામાં આવ્યો હતો. જ્યાં તેની હાલત સુધારા પર હોવાનું જાણવા મળ્યું છે.
