Vadodara : વડોદરાના સુભાનપુરા વિસ્તારમાં આવેલા ચિલ્ડ્રન હોમ ફોર ગર્લ્સમાં રાખેલી સગીર વયની એક પીડીતા ઝાડ પરથી કૂદકો મારીને ભાગી છુટતા ગોરવા પોલીસે તપાસ હાથ ધરી છે.
સુભાનપુરા અજંતા સોસાયટી ખાતે આવેલી ચિલ્ડ્રન હોમ ફોર ગર્લ્સ નામની સંસ્થામાં ગુનાહિત કૃત્યોનો ભોગ બનેલી તેમજ અનાથ સગીર બાળકીઓને રાખવામાં આવે છે અને તેમની માવજત તેમજ અભ્યાસ કરાવવામાં આવે છે.
તાજેતરમાં બળાત્કારનો ભોગ બનેલી એક સગીરાને પોલીસ દ્વારા ગઈ તા.24મી જુલાઈએ ઉપરોક્ત ચિલ્ડ્રન હોમમાં મૂકવામાં આવી હતી. આ સગીરા ગઈતા 10 મી ડિસેમ્બરના રોજ સવારે ઝાડ પર ચડીને કૂદકો મારીને ફરાર થઈ જતા સુપ્રિટેન્ડન્ટ દ્વારા ગોરવા પોલીસ સ્ટેશનમાં ફરિયાદ નોંધાવવામાં આવી છે. પોલીસે સીસીટીવી ફૂટેજ તેમજ રીક્ષા ચાલકો સહિતના લોકોની પૂછપરછ કરી વિગતો મેળવવા તજવીજ કરી છે.
