RBI Vacancy 2025: ભારતીય રિઝર્વ બેંક (RBI)માં ભરતીને લઈને નોટિફિકેશન બહાર પાડવામાં આવ્યો છે. જેમાં વિવિધ પદ પર અનુભવી ઉમેદવારોની ભરતી કરાશે. આ ભરતીના 17 ડિસેમ્બરથી 6 જાન્યુઆરી, 2026ના સાંજે 6 વાગ્યા સુધીમાં ફોર્મ ભરી શકાશે.
RBIમાં વિવિધ 93 પદ પર ભરતી
RBI દ્વારા જાહેર કરવામાં આવેલા નોટિફિકેશન મુજબ, રિઝર્વ બેંક ઓફ ઈન્ડિયા (RBI)માં ફૂલ ટાઈમ કરારના આધારિત નિષ્ણાતો એટલે અનુભવી ઉમેદવારો માટે લેટરલ ભરતીની જાહેરાત કરવામાં આવી છે. જેમાં માહિતી ટેક્નોલોજી વિભાગ(DIT), પરિસર વિભાગ, સુપરવિઝન વિભાગ સહિતના વિભાગમાં ડેટા સાયન્ટિસ્ટ, ડેટા એન્જિનિયર, આઇટી સિક્યોરિટી એક્સપર્ટ, પ્રોજેક્ટ મેનેજર, આઇટી-સાયબર સિક્યોરિટી એનાલિસ્ટ, એકાઉન્ટ્સ સ્પેશિયાલિસ્ટ, સિનિયર બેંક એક્ઝામિનર (લિક્વિડિટી રિસ્ક) સહિતના કુલ 93 પદ પર ભરતી પ્રક્રિયા હાથ ધરવામાં આવી છે. ઉમેદવારો ભરતીની સત્તાવાર વેબસાઈટ ibpsreg.ibps.in પરથી ફોર્મ ભરી શકાશે.
ભરતી સંબંધિત વધુ માહિતી, બોર્ડના સત્તાવાર નોટિફિકેશન rbidocs.rbi.org.in પરથી મળી રહેશે.
વયમર્યાદા
અલગ-અલગ પદ માટે લાયકાત અને ઉંમર મર્યાદા અલગ-અલગ છે. જેમાં ઉમેદવારો માટે લઘુતમ ઉંમર 25 થી 40 વર્ષ છે, જ્યારે મહત્તમ ઉંમર 40 થી 62 વર્ષ છે. અનામત શ્રેણીના ઉમેદવારોને સરકારી નિયમો અનુસાર ઉંમરમાં છૂટછાટ મળશે.
આ પણ વાંચો: 4 દિવસ જ બાકી છે ભારતીય સેનાના ઇન્ટર્નશિપ પ્રોગ્રામમાં અરજી માટે, 75000 રૂપિયા કમાવવાની તક!
આ ભરતીમાં લેખિત પરીક્ષા લેવામાં આવશે નહીં. જેમાં પસંદગી પ્રક્રિયામાં પ્રાઈમરી સ્ક્રિનિંગ-શોર્ટલિસ્ટિંગ, ડોક્યુમેન્ટ વેરિફિકેસન અને ઈન્ટરવ્યૂ લેવામાં આવશે. આ પછી ફાઈનલ સિલેક્શન કરવામાં આવશે. જેમાં પસંદગી પામનાર ઉમેદવારોને ફૂલટાઈમ કોન્ટ્રાક્ટ બેઝ પર લેવામાં આવશે. ભરતી માટે અરજી કરવા માટે સામાન્ય/OBC/EWS ઉમેદવારોને 600 રૂપિયા +GST અને SC/ST/PwBD ઉમેદવારોએ 100 રૂપિયા +GST સાથે રકમ ચૂકવવાની રહેશે.
