વડોદરા,સાયબર ફ્રોડના નાણાના ટ્રાન્જેક્શન માટે એકાઉન્ટ ઓપન કરાવવાના વધુ ત્રણ ગુના દાખલ થયા છે. જે પૈકી એક એકાઉન્ટમાં ૧.૨૦ કરોડના ટ્રાન્જેક્શન થયા છે.
સાયબર ફ્રોડના રૃપિયાના ટ્રાન્જેક્શન માટે એકાઉન્ટ ખોલાવનાર હાર્દીક દુલાભાઇ બલદાણીયા (રહે.સારથી રેસિડેન્સી, કુંભારીયા ચોર્યાસી, સુરત) એકાઉન્ટ ઓપરેટ કરનાર રામજીભાઇ ગોવિંદભાઇ કથીરીયા (રહે.કામરેજ, સુરત)ની સામે બાપોદ પોલીસે ગુનો દાખલ કર્યો છે. તેવી રીતે વારસિયા પોલીસે એકાઉન્ટ ધારક વિપુલ ધીરૃભાઇ બારૈયા (રહે. ભારતીય સોસાયટી, ભાવનગર) તથા એકાઉન્ટનો ઉપયોગ કરનાર ઇકબાલ (રહે. કુંભારવાડા,ભાવનગર) ની સામે ગુનો દાખલ કર્યો છે. એકાઉન્ટ ધારક બ્રિજેશ રામચંદ્ર પટેલ (રહે.નિલકંઠ રેસિડેન્સી, મકરપુરા) તથા તેના પિતા રામચંદ્ર પટેલ સામે પાણીગેટ પોલીસે ગુનો દાખલ કર્યો છે. પિતા પુત્રના એકાઉન્ટમાં ૧.૨૦ કરોડનું ટ્રાન્જેક્શન થયું હતું.
