Surendranagar News: સુરેન્દ્રનગર જિલ્લાના લીંબડી તાલુકાના શિયાણી ગામે મારામારીના ગુનામાં સંડોવાયેલા આરોપી પર PSIએ ફાયરિંગ કર્યું છે. ગુનાની વિગતોની તપાસ માટે આરોપી દેવરાજ બોરાણાને રીકન્સ્ટ્રક્શન માટે લઈ જવામાં આવ્યો હતો.જ્યાં તેને પોલીસની નજર ચૂકવી છરી વડે હુમલો કર્યો હતો.જે બાદ સ્વબચાવમાં PSIએ આરોપીને પગમાં ગોળી ધરબી હતી.
આરોપી અને પોલીસકર્મી હોસ્પિટલમાં દાખલ
પોલીસ સૂત્ર તરફથી મળતી માહિતી પ્રમાણે આરોપી દેવરાજ બોરાણાને ગુના સ્થળે લઈ જતાં તેને અચાનક જ છરી વડે પોલીસ કર્મચારી પર હુમલો કરી દીધો હતો, જેમાં એક પોલીસકર્મી ઘાયલ થયો છે. જવાબી કાર્યવાહીમાં હાજર PSIએ આરોપી દેવરાજ બોરાણાના પગના ભાગે ગોળી મારી હતી. જે બાદ તે ઢળી પડ્યો હતો. જેને હાલ સારવાર અર્થે લીંબડીની હોસ્પિટલમાં ખસેડવામાં આવ્યો છે. ઘાયલ પોલીસકર્મીની પણ સારવાર ચાલી રહી છે.
અત્રે એ પણ જણાવી દઈએ આ ઘટના સહિત છેલ્લા 4 મહિનામાં 8 આરોપી પર ગુજરાત પોલીસે ફાયરિંગ કર્યું છે.
