Vadodara Gambling Raid : વડોદરા શહેરના વૃંદાવન ચાર રસ્તા પાસે જુગાર રમતા છ જુગારીઓને કપુરાઈ પોલીસે ઝડપી પાડી રોકડ રોકડા રૂ.4,300, 5 મોબાઇલ ફોન તથા 2 મોપેડ સહિત કુલ રૂ.87 હજાર ઉપરાંતની મત્તા કબજે કરી આરોપીઓ સામે જુગારધારા હેઠળ કાર્યવાહી હાથ ધરી હતી.
ગઈકાલે રાત્રે બે વાગ્યાની આસપાસ શહેરના વૃંદાવન ચાર રસ્તા નજીક બોમ્બે સેલ પાસે કેટલાક લોકો જુગાર રમી રહ્યા હોવાની બાતમી કપુરાઈ પોલીસ ટીમને મળી હતી. જેના આધારે પોલીસે દરોડો પાડી જુગાર રમી રહેલા ઇનાયતશા દિવાન, જુબેર મેમણ (બંને રહે-બાવામાનપુરા પાણીગેટ), સાગર સોની (રહે-હીરાબાનગર ,વાઘોડિયા રોડ), કલ્પેશ રાવળ, સંતોષ કહાર, વિષ્ણુ વસાવા (ત્રણેવ રહે-ઉકાજીનું વાડિયું, વાઘોડિયા રોડ) ને ઝડપી પાડ્યા હતા. પોલીસે દરોડા દરમિયાન અંગજડતીના રોકડા રૂ.3600, જમીન દાવ પરના રોકડા રૂ.700, રૂ.28 હજારની કિંમતના 5 નંગ મોબાઇલ ફોન તથા રૂ.55 હજારની કિંમતની બે મોપેડ સહિત કુલ રૂ.87,300નો મુદ્દામાલ કબજે કર્યો હતો.
