Instagram Users Data Leak News : દુનિયા એઆઈ અને ડિજિટલ યુગ તરફ આગળ વધી રહી છે તેમ સાયબર ગુનાઓનું પ્રમાણ વધી રહ્યું છે. આવા સંજોગોમાં ઈન્સ્ટાગ્રામના 1.75 કરોડથી વધુ યુઝર્સનો ડેટા લીક થઈ ગયો હોવાનું સાયબર સિક્યોરિટી કંપની માલવેર બાઈટ્સે જાહેર કરતાં યુઝર્સમાં હોબાળો મચી ગયો છે.
સાયબર સિક્યોરિટી કંપની માલવેર બાઈટ્સે જણાવ્યું કે, ઈન્સ્ટાગ્રામના 1.75 કરોડ યુઝર્સનો લીક થયેલો ડેટા હેકર ફોરમ અને ડાર્ક વેબ પર ખુલ્લેઆમ શૅર કરાઈ રહ્યો છે, જેનાથી લાખો યુઝર્સની પ્રાઈવસી જોખમમાં મુકાઈ ગઈ છે.
