વડોદરા,ઉત્તરાયણના પર્વને અનુલક્ષીને ખરીદી માટે થતા ઘસારાને અનુલક્ષીને શહેરના મુખ્ય ત્રણ બજારોમાં નો પાર્કિંગ અને નો એન્ટ્રી માટે પોલીસે જાહેરનામુ બહાર પાડયું છે.
મકરસંક્રાંતિના પર્વને બે દિવસ બાકી છે. ત્યારે છેલ્લી ઘડીની ખરીદી માટે પતંગ બજારોમાં મોટી સંખ્યામાં લોકો આવતા હોય છે. શહેરમાં મુખ્યત્વે માંડવી – ગેંડીગેટ રોડ, જૂના પાદરા રોડ તથા રાવપુરા રોડ પર પતંગ બજાર ભરાય છે. માંડવી ગેંડીગેટ રોડ પર તારીખ ૧૩,૧૪ અને ૧૫ ના રોજ સવારે ૯ થી રાત્રિના ૧૨ સુધી નો પાર્કિંગ ઝોન જાહેર કરાયો છે. જ્યારે રાવપુરા રોડ અને જૂના પાદરા રોડ પર ફોર વ્હિલર અને ભારદારી વાહનો માટે નો એન્ટ્રી જાહેર કરાઇ છે. ચાર દરવાજા વિસ્તારમાં સંપૂર્ણ પણે નો એેન્ટ્રી જાહેર કરાઇ છે.કોઠી ચાર રસ્તાથી જ્યુબિલી બાગ તરફના રોડ પર તથા જૂના પાદરા રોડ પર પણ નો એન્ટ્રી જાહેર કરવામાં આવી છે.
