image : Freepik
Jamnagar Fraud Case : જામનગર જિલ્લાના જામજોધપુર તાલુકાના શેઠ વડાળા ગામમાં રહેતા એક યુવાન સાથે કારના વેચાણના બહાને છેતરપિંડી થઈ છે, અને એક મહિલા સહિતના ત્રણ શખ્સોએ રૂપિયા 1 લાખ 70 હજારની રોકડ રકમ પડાવી લીધાની ફરિયાદ પોલીસમાં નોંધાવાઇ છે.
આ ફરિયાદ અંગેના બનાવની વિગત એવી છે, કે જામજોધપુર તાલુકાના શેઠ વડાળા ગામમાં રહેતા ધવલભાઈ ભગવાનજીભાઈ વિસાણી નામના 37 વર્ષના યુવાને પોતાની સાથે કારના વેચાણના બહાને છેતરપિંડી કરી રૂપિયા 1 લાખ 70 હજારની રોકડ રકમ પડાવી લેવા અંગે શેઠ વડાળા ગામના મિલન ચંદુલાલ વિસાણી, તેમજ સંગીતાબેન રાજેશભાઈ આલાણી નામ ધારક એક મહિલા તથા તેના સાગરીત સામે ફરિયાદ નોંધાવી છે.
શેઠ વડાળા પોલીસ મથકમાં જાહેર કરાયા અનુસાર ફરિયાદી યુવાન સાથે ઉપરોક્ત આરોપીઓએ જી.જે. 01 ડબ્લ્યુ-બી 1253 નંબરની કાર 1,70,000 માં વેચાણ આપવા માટેનો કારસો રચ્યો હતો, અને આરોપી મહિલાનું ખોટું નામ ધારણ કરી ખોટા દસ્તાવેજો તૈયાર કર્યા હતા, અને નાણા પડાવી લઇ યુવાન સાથે ઠગાઈ કરી હોવાથી મામલો શેઠ વડાળા પોલીસ મથકમાં લઈ જવાયો હતો, જે મામલે પોલીસ વધુ તપાસ ચલાવે છે.
