જામનગર શહેર અને દરેડમાં પોલીસે જુગાર અંગે બે સ્થળે દરોડા પાડ્યા હતા અને 11 પત્તા પ્રેમીઓની અટકાયત કરી લઈ તેઓ પાસેથી રોકડ રકમ અને જુગારની સામગ્રી કબજે કરી છે.
જુગાર અંગેનો પ્રથમ દરોડો જામનગરમાં આશાપુરા સર્કલ વિસ્તારમાં પાડવામાં આવ્યો હતો. ત્યાંથી જાહેરમાં ગંજીપાના વડે જુગાર રમી રહેલા રામભાઈ દેવાભાઈ ચાવડા, જયસુખભાઈ શાંતિલાલ સોનગરા, બાબુભાઈ ભવાનભાઈ બાવાજી, કરસનભાઈ હરદાસભાઇ ગોજીયા અને અકબર મહંમદ ભાઈ ખીરા ની અટકાયત કરી લઇ તેઓ પાસેથી રૂપિયા 80230ની માલમતા કબજે કરી છે.
જુગાર અંગેનો બીજો દરોડો જામનગર નજીક દરેડ વિસ્તારમાં પાડવામાં આવ્યો હતો. જ્યાંથી જાહેરમાં ગંજીપાના વડે જુગાર રમી રહેલા અમજદખાન ઇકરામખાન અબાસી, અબ્દુલ સૈયદ અબ્દુલ હાફિઝ કાદરી, સાકીર સમીરભાઈ, મોહસીન સાકીરભાઇ અનસારી, મુફત્યાજઅલી માસુકઅલી સૈયદ, અને સાજીદ બલ્લુખાન પઠાણની અટકાયત કરી લઇ તેઓ પાસેથી રૂપિયા 11,350ની રોકડ રકમ અને જુગારનું સાહિત્ય કબજે કર્યું છે.
