Vadodara Bullet Train Project : વડોદરા રેલવે સ્ટેશનની પાછળના ભાગે બુલેટ ટ્રેનના સેકન્ડ એકઝીટ માટે રાઈટ ઓફ યુઝથી નાળીયા પૈકીની જમીન નેશનલ હાઈ સ્પીડ રેલ કોર્પોરેશન લીમીટેડને ફાળવવાની દરખાસ્ત સ્થાયી સમિતિ સમક્ષ રજૂ કરવામાં આવી હતી.
આ કામની હકીક્ત એવી છે કે, મુંબઈ-અમદાવાદ નેશનલ હાઈ સ્પીડ રેલ કોર્પોરેશન લીમીટેડ બુલેટ ટ્રેનની રેલ્વે સ્ટેશનના પાછળના ભાગમાં સેકન્ડ એકઝીટ માટે પ્રિયલક્ષ્મી મિલ ગરનાળાથી મોટેલ ફાર્મ તરફ જતા કુડ કોર્પોરેશન ઓફ ઈન્ડીયાએ નાળીયા રસ્તા પૈકીની 80 ચો.મી. જમીન બજાર કિંમતના 10 ટકા મુજબ પ્રોજેક્ટના હેતુ માટે ફકત વપરાશી હક્કે કાળવવાની માંગણી કરવામાં આવી હતી.
જેથી માંગણી મુજબ નાળીયા પૈકીની જમીનને અડીને આવેલ જંત્રી અનુસાર માંગણીવાળી જમીનની વસુલવા પાત્ર રકમ રૂપિયા 4,00,000 થાય છે. પરંતુ માંગણીવાળી જમીનને અડીને કુડ કોર્પોરેશન ઓફ ઇન્ડીયા હસ્તકની જમીનની કલેકટર કચેરીમાં માંગણી કરેલ. જેની હાલની સ્થિતીએ બજાર કિંમત રૂપિયા 1,87,591 ચો.મી. નક્કી કરેલ છે. જે મુજબ, આ માંગણીવાળી જમીનની વસુલવાપાત્ર રકમ રૂપિયા 15,00,728 થાય છે, જે કિંમત વસુલવાની થાય છે.
વધુમાં, અગાઉ સ્થાયી સમિતી તથા સામાન્ય સભા દ્વારા બુલેટટ્રેન રસ્તા રેખામાં આવતી વડોદરાની છાણીથી માણેજા સુધીની વડોદરા પાલિકાએ અગાઉ રસ્તા માટે સંપાદન કરેલ જમીનો, પૈકીની જમીનો જંત્રીના ડબલ ભાવે કિંમત વસુલી ફાળવવા મંજૂરી આપી હતી. જે મુજબ અગાઉ બુલેટ ટ્રેન પ્રોજેક્ટ તંત્ર પાસેથી રૂપિયા 34,16,05,877નો ચેક મેળવી જમીનનો કબ્જો અગાઉ સોંપેલ છે. જે પૈકી વડોદરા કસ્બાની જમીનના રૂપિયા 4,71,82,251.81ને પરત કરવાના થાય છે. જેમાંથી હાલની વસુલવા પાત્ર રકમ બાદ કરતાં બાકીની રકમ બુલેટ ટ્રેન પ્રોજેક્ટ તંત્રને ભવિષ્યમાં રીડ આપવાની થાય છે. જેથી સ્ટેશન પાછળના ભાગમાં આવેલ નાળીયા રસ્તા પૈકીની જમીન બુલેટ ટ્રેન પ્રોજેક્ટ તંત્રને વેલ્યુએશન મુજબનો ભાવ ગણી રૂ.15,00,728 વસુલ લઈને પ્રિયલક્ષ્મી મિલ ગરનાળાથી મોડેલ ફાર્મ તરફ જતા કુડ કોર્પોરેશન ઓફ ઇન્ડીયાને અડીને આવેલ નાળીયા રસ્તા પૈકીની 80 ચો.મી. જમીન રાઇટ ઓફ યુઝ ધોરણે ફાળવવા તથા જમીનનો કબ્જો તેમને સોંપવાની મંજૂરી આપવા તથા અગાઉની જમીનના વસુલ કરેલ રકમ પૈકી હાલના જમીનની વસુલવા પાત્ર રકમ બાદ કરી બાકી રહેતી જમીનનું ભવિષ્યમાં રીફડ આપવાના કામને તથા સમગ્ર કામગીરી કરવાના કામને સ્થાયી સમિતીમાં રજુ કરી કરાયું હતું.
