Jamnagar : જામનગરમાં વામ્બે આવાસ વિસ્તારમાં 40 વર્ષની વયનો એક યુવાન બેશુદ્ધ અવસ્થામાં મળી આવ્યો હતો. જે બનાવ અંગે સામાજિક કાર્યકર હિતેશગીરી લાલગીરી ગોસાઈએ પોલીસને જાણ કરતાં સીટી સી. ડિવિઝન પોલીસ બનાવના સ્થળે દોડી ગઈ હતી અને તપાસ કરતાં અજ્ઞાત યુવાનનો મૃતદેહનો કબજો સંભાળી જામનગરની સરકારી જી.જી.હોસ્પિટલમાં પોસ્ટ મોર્ટમ કરાવ્યું હતું. પોલીસે મૃતકની ઓળખ કરવા માટે મૃતદેહને જીજી હોસ્પિટલના કોલ્ડરૂમમાં મૂકી રાખ્યો છે.
