Geyser Maintenance Tips Before Summer: શિયાળો હવે વિદાય લઈ રહ્યો છે, ત્યારે લોકો ધીરે-ધીરે ગીઝરનો ઉપયોગ ઓછો કરી રહ્યા છે. તેવામાં કેટલાક લોકો ગીઝરની સ્વિચ બંધ કરીને મહિનાઓ સુધી તેને એમજ છોડી દે છે અને ઉપયોગ કરતાં નથી. ઉનાળાની ઋતુની શરૂઆતમાં ગીઝરને સ્ટોર કરતાં પહેલા તેની સર્વિસ કરવી જરૂર હોય છે કે નહીં. તેને લઈને જાણાકારી મેળવીએ.
ગીઝર બંધ કરતા પહેલા કરો આ કામ
માત્ર સ્વિચ બંધ કરવી એ પૂરતું નથી
મોટાભાગે લોકો શિયાળો પૂરો થતાં ગીઝરની સ્વિચ બંધ કરી દેતા હોય છે અને ગીઝરની સર્વિસ કર્યા વગર મહિના સુધી બંધ રાખી મૂકતા હોય છે. જેના કારણે ગીઝરની ઉંમર અને કાર્યક્ષમતા પર અસર કરે છે. ગીઝરમાં ભેગી થયેલા ગંદકી અને પાણીના કારણે આગળ જતાં નુકસાન પહોંચાડી શકે છે.
કાટ ન લાગે એટલાં માટે સર્વિસ કરવી આવશ્યક
સર્વિસ દરમિયાન ટેક્નિશિયન ગીઝરના એનોડ સળિયા તપાસે છે. એનોડ સળિયો ખરાબ થઈ જાય અને સમયસર બદલવામાં ન આવે તો પાણીની ટાંકીમાં લીકેજ અથવા મોટું નુકસાન થઈ શકે છે. એટલે સમયસર ગીઝરની ચકાસણી કરાવવી જરૂરી છે.
કેલ્શિયમ અને ખારા પાણીની સફાઈ
શિયાળામાં સતત ગીઝરનો ઉપયોગ કરવાથી હિટિંગ એલિમેન્ટ અને પાણીની ટાંકીમાં કેલ્શિયમ અને ખારાશની પરત જામી જાય છે. જો યોગ્ય સમયે તેને સાફ ન કરવામાં આવે તો આ પરત સખત થઈ જાય છે અને તેના કારણે ગીઝરની કાર્યક્ષમતા ઘટાડી શકે છે. આમ, સર્વિસ દરમિયાન જામી ગયેલી પરતને કાઢવામાં આવે છે. જેથી આગામી વર્ષે ગીઝર જલ્દી અને વ્યસ્થિત પાણીને ગરમ કરી શકે.
આ પણ વાંચો: ઘર ખરીદવું કે ભાડે રહેવું? પ્રોપર્ટીના વધતા ભાવ વચ્ચે સમજો કયો વિકલ્પ બેસ્ટ, જાણો વિગતવાર
ખરાબ પાર્ટ્સની સમસ્યાની જાણકારી
ગીઝરમાં થર્મોસ્ટેટ, પ્લગ, પાઈપ કે અન્ય કોઈ ભાગમાં સમસ્યા કે ખરાબી હશે તો સર્વિસ દરમિયાન તેનો ખ્યાલ આવે છે. આમ, ખરાબ પાર્ટ્સને રિપેર કરવામાં જોઈએ. જેથી જ્યારે જરૂર પડે ત્યારે ગીઝર અચાનક ખરાબ થતું નથી અને શિયાળાની ઋતુમાં ગરમ પાણી કરવા માટે મુશ્કેલી અનુભવી પડતી નથી.
પાણીની ટાંકી ખાલી કરવી જરૂરી
જો ગીઝરમાં મહિનાઓ સુધી પાણી ભરાયેલું રહે તો તેનાથી ગંધ, ફૂગ અને બેક્ટેરિયા વધી શકે છે. સર્વિસ દરમિયાન ટાંકી સંપૂર્ણપણે ડ્રેઇન કરવામાં આવે છે, સાફ કરવામાં આવે છે અને અંદરથી સૂકવવામાં આવે છે. જે ગીઝરને સુરક્ષિત રાખે છે અને સ્વાસ્થ્ય જોખમો ઘટાડે છે.
આ પણ વાંચો: ATM ખોવાઈ જાય તો સૌથી પહેલા શું કરશો? જાણો પૈસા સુરક્ષિત રાખવાની સરળ રીત
વીજળી બચાવવામાં પણ મદદરૂપ
ગંદા હિટિંગ એલિમેન્ટ પાણી ગરમ કરવામાં વધુ સમય અને વીજળી લે છે. સ્વચ્છ ગીઝર ઓછી વીજળી સાથે વધુ સારી રીતે કામ કરે છે. આનો અર્થ એ છે કે, સમયસર ગીઝરની સર્વિસ કરવાથી વીજળી બિલને નિયંત્રણમાં રાખવામાં મદદ કરી શકે છે.
લાંબા સમય માટે તમારા ગીઝરને બંધ કરતા પહેલા, તેને વ્યવસ્થિત રીતે સાફ કરવું અને પ્લમ્બર અથવા કંપની ટેકનિશિયન દ્વારા સર્વિસ કરાવવી જોઈએ.
