– પોલીસ કોન્સ્ટેબલ્રે 3 સામે વરતેજ પોલીસમાં ફરિયાદ નોંધાવી
– નેસવડ ગામ આવેલ મઢ પાસે ધસી આવી શખ્સોએ માર મારી ધમકી આપી
ભાવનગર : ઘોઘા તાલુકાના નેસવડ ગામે ત્રણ શખ્સોએ સીરપમાં આરોપીનું નામ ખોલાવાની દાઝ રાખી ભરતનગર પોલીસ મથકના કોન્સ્ટેબલ ઉપર લાકડી ધોકા વડે જીવલેણ હુમલો કરી, ગંભીર ઇજા કરી ફરાર થઇ જતાં કોન્સ્ટેબલને ગંભીર હાલતે સારવારમાં હોસ્પિટલે ખસેડવામાં આવ્યા હતા.
છેલ્લા કેટલાક સમયથી પોલીસની ગ્રહ દશા ખરાબ ચાલી રહી છે.બગદાણા યુવકના હુમલા પ્રકરણમાં ભાવનગર પોલીસ શંકાના દાયરામાં આવી ગઈ છે.તો ક્યાંક પોલીસ અધિકારી પર પોતાનાજ પોલીસ મથકના કોન્સ્ટેબલ પર ત્રાસ ગુજારવાની ફરિયાદ નોંધાઈ છે.તો ખૂંટવડા ના પીએસઆઈ પર યુવાનને માર મારવાનો ગુનો નોંધાયો છે.તેવામાં પોલીસ કોન્સ્ટેબલને માર મારવાની ઘટના સામે આવી છે. જેમાં ઘોઘા તાલુકાના નેસવડ ગામે રહેતા અને ભરતનગર પોલીસ મથકમાં પોલીસ કોન્સ્ટેબલ તરીકે ફરજ બજાવતા લાલજીભાઈ વલ્લભભાઈ ડાભી ગઇ તા.૨૦ ફેબુ્રઆરી ૨૦૨૬ ના રોજ બપોરના આશરે પોણા ત્રણેક વાગ્યે નેસવડ ગામ ડાભીના મઢની વાડી પાસે કુટુંબી ભાઇ અતુલભાઇ બટુકભાઇ ડાભી તથા ત્વિકભાઇ જેન્તીભાઇ ડાભી ત્રણેય ઉભા હતા ત્યારે ગામના આકાશ વેલજીભાઇ ડાભી બુલેટ તથા લક્ષમણ વેલજીભાઇ ડાભી તેનુ મોટરસાયકલ તથા વીજય જગાભાઈ ડાભી ચાલીને ધસી આવ્યા હતા.અને ભત્રીજાઓને સીરપમાં નામ ખોલાવી કેમ પુરાવ્યા તેમ કહી ગાળો આપી લાકડાના ધોકા ,પાઇપ અને રસની સોટી વડે માર મારી ગંભીર ઇજા પહોંચાડી હતી. ત્રણેય જણા એ કહેલકે આ વખતે તો જવા દઇએ છીએ હવે જો અમારી કોઇ મેટરમાં દખલગીરી કરીશે તો જીવતો નહી રહે વા દઇએ તેમ કહી મને જાનથી મારી નાખવાની ધમકી આપી મોટર સાયકલો લઈને ભાગી ગયેલ હતા.ઇજાગ્રસ્ત પોલીસ કોન્સ્ટેબલને ૧૦૮ એમ્બ્યુલન્સ મારફતે ભાવનગરની સર.ટી.હોસ્પીટલમાં સારવાર.માટે ખસેડવામાં આવ્યા હતા. આ બનાવ સંદર્ભે પોલીસ કોન્સ્ટેબલ લાલજીભાઈએ ત્રણ શખ્સ વિરૂધ્ધ વરતેજ પોલીસ મથકમાં ફરિયાદ નોંધાવતા પોલીસે વધુ તપાસ હાથ ધરી છે.
