સ્થાનિકની
મદદથી વાહનને બહાર કાઢવામાં આવ્યું
ઓવરબ્રિજની
એક જ બાજુ હાઇટગેજ મુકતા અવરનવાર વાહનો ફસાઇ જતાં લોકોમાં રોષ
થાન –
થાનના પીપળાવાળા ચોક પાસેના ઓવરબ્રિજ પર રવિવારે મોડી રાત્રે
પર થ્રેશર મશીન લઈને એક વાહન પસાર થઈ રહ્યું હતું. જે વાહનની ઉંચાઈ વધુ હોવાને
કારણે ઓવરબ્રિજની શરૃઆતમાં લગાવેલા ઉંચાઈ માપવાના લોખંડના પાઇપ (હાઇટ ગેજ)માં ફસાઈ
જતાં કલાકો સુધી વાહન વ્યવહાર ખોરવાઈ ગયો હતો.
ઓવરબ્રિજ
પર થ્રેસર મશીન ફસાયું હોવા જાણ થતા જ સ્થાનિકો આવી પહોંચ્યા હતા અને કલાકોની ભારે
જહેમત બાદ મહેનત ફસાયેલા વાહનને સુરક્ષિત રીતે બહાર કાઢવામાં આવ્યું હતું. આ અંગે
સ્થાનિકોના જણાવ્યા મુજબ ઓવરબ્રિજની એક તરફ (પીપળાવાળા ચોક પાસે) ઉંચાઈ માપવાનો
પાઇપ લગાવેલો છે. જ્યારે બીજી તરફ (એક્સિસ બેંક પાસે) ઉતરતી વખતે આવો કોઈ પાઇપ કે
ઉચાઈ માટેનું બોર્ડ લગાવેલું નથી. આ અસમાનતાને કારણે મોટા વાહન ચાલકોને ખ્યાલ નથી
રહેતો કે તેઓ પસાર થઈ શકશે કે નહી ?
આથી સામેની સાઇડ જતા તેઓ ફસાઈ જાય છે. જેને ધ્યાને લઈ. જવાબદાર
તંત્ર દ્વારા તાત્કાલિક ધોરણે બંને બાજુ ઉંચાઈ માપવાના પાઇપ અને જરૃરી સૂચના બોર્ડ
લગાવવામાં આવે તેવી માંગ કરી છે.
