Vadodara : વડોદરા નજીક આવેલા લામડાપુરા ગામે આજે બપોરે એક કંપનીમાં ભીષણ આગ લાગતા સ્થાનિક ફાયર બ્રિગેડની સાથે સાથે વડોદરા ફાયર બ્રિગેડની પણ મદદ લેવામાં આવી હતી.
સાવલી તાલુકાના લામડાપુરા ગામે આવેલી રાજશાહ નામની કેમિકલ કંપનીમાં આજે બપોરે કોઈ કારણસર આગ લાગતા આગની જ્વાળાઓ અને ધુમાડાના ગોટાઓથી આકાશ છવાયું હતું. જ્યારે જ્યારે દૂરના ગામોમાંથી લોકો મોટી સંખ્યામાં ઉમટી પડ્યા હતા.
પ્રાથમિક વિગતો મુજબ બનાવ બનતા જ પ્લાન્ટમાંથી લોકો બહાર દોડી જતા કોઈ જાનહાની થઈ નથી. સાવલી ફાયર બ્રિગેડ દ્વારા આગને કાબુમાં લેવાનો પ્રયાસ થયો હતો. પરંતુ આગ વધુ વકરતાં વડોદરા ફાયર બ્રિગેડની મદદ લેવામાં આવી હતી.
વડોદરાની બે ટીમો દ્વારા આગ બુજાવવાનો પ્રયાસ કરવામાં આવી રહ્યો છે. પોલીસ પણ બનાવના સ્થળે આવી ગઈ હતી અને ફાયર બ્રિગેડને અડચણ ન પડે તેવી વ્યવસ્થા જાળવવામાં કામે લાગી હતી.
