(પીટીઆઇ) નવી દિલ્હી, તા. ૨૭
અમેરિકા દ્વારા ટેરિફ વધારવામાં આવ્યો હોવા છતાં
અમેરિકામાંથી ભારતમાં રોકાણ વધીને બમણું થયું છે. સરકાર દ્વારા જારી કરવામાં આવેલા
આંકડા અનુસાર નાણાકીય વર્ષ ૨૦૨૫-૨૬નાં એપ્રિલથી ડિસેેમ્બર સુધીના સમયમાં ભારતમાં
એફડીઆઇ ે ૧૮ ટકા વધીને ૪૭.૮૭ અબજ ડોલર રહ્યું છે.
આ સમયગાળા દરમિયાન
અમેરિકામાંથી ભારતમાં થયેલુ રોકાણ બેગણુ વધીને ૭.૮૦ અબજ ડોલર રહ્યું છે. ઉલ્લેખનીય
છે કે નાણાકીય વર્ષ ૨૦૨૪-૨૫નાં એપ્રિલથી ડિસેમ્બર સુધીનાં ગાળામાં એફડીઆઇ ૪૦.૬૭
અબજ ડોલર હતું.
૨૦૨૫-૨૬નાં ઓક્ટોબર-ડિસેમ્બર કવાર્ટરમાં ઇક્વિટીમાં એફડીઆઇ
૧૭ ટકા વધીને ૧૨.૬૯ અબજ ડોલર રહ્યું છે. જો કે ૨૦૨૫-૨૬નાં જૂન-સપ્ટેમ્બર કવાર્ટરની
સાથે સરખામણી કરવામાં આવે તો ઇક્વિટમાં એફડીઆઇમાં ૨૩ ટકાનો ઘટાડો નોંધાયો છે.
ચાલુ નાણાકીય વર્ષનાં પ્રથમ ૯ મહિનામાં ઇક્વિટીમાં રોકાણ, રીઇન્વેસ્ટેડ
અર્નિંગ અને અન્ય મૂડી સહિત કુલ એફડીઆઇ ૧૭.૪ ટકા વધીને ૭૩.૩૧ અબજ ડોલર રહ્યું છે.
જે ગયા વર્ષના સમાન ગાળામાં ૬૨.૪૮ અબજ ડોલર હતું.
ચાલુ નાણાકીય વર્ષનાં પ્રથમ ૯ મહિનામાં અમેરિકામાંથી
ભારતમાં કરવામાં આવેલુ રોકાણ ૭.૮ અબજ ડોલર રહ્યું છે. જે ગયા વર્ષનાં સમાન ગાળામાં
૩.૭૩ અબજ ડોલર હતું.
ચાલુ નાણાકીય વર્ષનાં પ્રથમ ૯ મહિનામાં સિંગાપોરમાંથી સૌથી
વધુ ૧૭.૬૫ અબજ ડોલરનું રોકાણ ભારતમાં આવ્યું છે. ત્યારબાદ અમેરિકામાંથી ૭.૮૦ અબજ
ડોલર, મોરેશિયસમાંથી
૪.૮૩ અબજ ડોલર, જાપાનમાંથી
૩.૨ અબજ ડોલર, યુએઇમાંથી
૨.૪૫ અબજ ડોલર, નેધરલેન્ડમાંથી
૨.૨૯ અબજ ડોલરનું રોકાણ ભારતમાં આવ્યું છે.
