અમદાવાદ, સંજીવ રાજપૂત, એબીએનએસ: અમદાવાદ મ્યુનિસિપલ કોર્પોરેશન દ્વારા પશ્ચિમ ઝોનના નવા વાડજ વોર્ડમાં નવા તૈયાર કરાયેલા સિનિયર સિટિઝન પાર્કને “સ્વ. વિનુભાઇ વ્યાસ સિનિયર સિટિઝન પાર્ક” નામ આપવામાં આવ્યું છે. નિર્ણયનગર વિસ્તારમાં સ્થિત આ પાર્કના નામાભિધાનનો કાર્યક્રમ શુક્રવાર, તા. 6 માર્ચ 2026ના રોજ યોજાયો હતો. આ પ્રસંગે અમદાવાદ શહેરના મેયર શ્રીમતી પ્રતિભાબેન જૈનના વરદ હસ્તે પાર્કનું નામાભિધાન કરવામાં આવ્યું હતું.
આ કાર્યક્રમમાં ધારાસભ્ય ડો. હર્ષદભાઇ પટેલ, ધારાસભ્ય જીતેન્દ્રભાઈ પટેલ, સ્ટેન્ડિંગ કમિટી ચેરમેન દેવાંગ દાણી, વિવિધ કમિટીના ચેરમેનઓ, સ્થાનિક કોર્પોરેટરઓ તેમજ અમદાવાદ મ્યુનિસિપલ કોર્પોરેશનના અધિકારીઓ – પદાધિકારીઓ તેમજ નાગરિકો ઉપસ્થિત રહ્યા હતા.
