Ahmedabad News : અમદાવાદના નરેન્દ્ર મોદી સ્ટેડિયમ ખાતે રવિવારે(8 માર્ચ, 2026) યોજાનારી T20 વર્લ્ડકપની ફાઇનલ મેચની ટિકિટની કાળાબજારીની ઘટનાઓ સામે આવી રહી છે, ત્યારે અમદાવાદના સાબરમતી વિસ્તારમાં પોલીસે પેટ્રોલિંગ દરમિયાન બાતમીના આધારે ઊંચા ભાવે ટિકિટનું વેચાણ કરતાં એક યુવકને ઝડપી પાડ્યો હતો.
સાબરમતી પોલીસે ટિકિટની કાળાબજારી કરતાં એક યુવકને ઝડપ્યો
અમદાવાદના સાબરમતી વિસ્તારમાં આજે(7 માર્ચ) પેટ્રોલિંગ દરમિયાન પોલીસને બાતમી મળી હતી કે, અચેર ચાર રસ્તા પાસે આવેલા મેલડી પાન પાર્લરની પાસે એક શખસ T20 વર્લ્ડ કપની ફાઇનલ મેચની ટિકિટ ઓનલાઇન પ્લેટફોર્મ પરથી રૂ.2000માં ખરીદીને રૂ.10થી 12 હજારના ભાવે કાળાબજારી કરવાના ઇરાદે વેચાણ કરી રહ્યો છે.
સમગ્ર મામલે સાબરમતી પોલીસ ઘટનાસ્થળે પહોંચીને યુવકને ચકાસતા તેની પાસેથી ફાઇનલ મેચની 8 ટિકિટ મળી આવી હતી. આ અંગે પોલીસે યુવક સામે ગુનો નોંધીને કાયદેસરની કાર્યવાહી હાથ ધરી છે.
આ પણ વાંચો: ટિકિટોની કાળાબજારી કરનારા સુધરી જજો, અમદાવાદમાં રૂ.3000ની વર્લ્ડકપ ફાઇનલની ટિકિટ રૂ.10,000માં વેચતા બે ઝડપાયા
ઝડપાયેલા યુવકનું નામ
પૃથ્વી પ્રહલાદભાઇ પટણી (ઉં.વ.19, રહે. સરસ્વતીનગર ચાલી નં.3 અચેર ગામ સાબરમતી)
આ પણ વાંચો: અમદાવાદમાં વર્લ્ડ કપની ફાઈનલ મેચ: 1 લાખથી વધુ દર્શકો, 2000 પોલીસકર્મીઓ અને NDRF-BDDS તૈનાત
તપાસ અર્થે કબજે કરેલો મદામાલ
T20 વર્લ્ડ કપ ક્રિકેટ ટુનામેન્ટ 2026 નરેન્દ્ર મોદી સ્ટેડિયમ ખાતે યોજાનાર ફાઇનલ મેચની રૂપિયા 2000ની કુલ 08 ટિકિટ, એક ટુવ્હીલર અને એક મોબાઈલ ફોન મળીને કુલ 50 હજારની કિંમતનો મુદ્દામાલ જપ્ત કર્યો છે.
